ബംഗാളി
ഇന്ത്യയില്‍ നവതരംഗ സിനിമയ്ക്ക് അടിത്തറപാകിയവരില്‍ പ്രധാനിയായ വിഖ്യാത സംവിധായകനാണ് മൃണാള്‍സെന്‍. 1923 മേയ് 14-ന് ഇന്നത്തെ ബംഗ്ലാദേശിലെ ഫരീദ്പുരിലാണ് ജനനം. 1955-ല്‍ 'രാത്ത് ബോറെ' എന്ന സിനിമയിലൂടെയാണ് സംവിധായകനായത്. 1969-ല്‍ പുറത്തിറങ്ങിയ 'ബുവന്‍ ഷോം' ദേശീയ, അന്തര്‍ ദേശീയ പുരസ്‌കാരങ്ങള്‍ നേടി. ബംഗാളിക്ക് പുറമെ ഒഡിയ, ഹിന്ദി, തെലുഗ് ഭാഷകളിലും സിനിമ സംവിധാനം ചെയ്തിട്ടുണ്ട്. 1998 മുതല്‍ 2003 വരെ രാജ്യസഭാംഗമായിരുന്നു. പദ്മഭൂഷണ്‍ ലഭിച്ചിട്ടുണ്ട്. .

ജനുവരി 4
യു.എന്‍. നേതൃത്വത്തില്‍ നടക്കുന്ന ആദ്യ ബ്രെയിലി ദിനാചരമാണ് 2019-ലേത്. കാഴ്ച ശക്തി ഇല്ലാത്തവര്‍ക്കായി ലൂയിസ് ബ്രെയിലി ബ്രെയിലി ലിപി വികസിപ്പിച്ചതിന്റെ ആദരവായാണ് ഈ ദിനം ആചരിക്കുന്നത്. ലോകത്ത് 1.3 ബില്യണ്‍ പേരോളം കാഴ്ച പരിമിതി അനുഭവിക്കുന്നുണ്ടെന്നാണ് കണക്ക്. യു.എന്‍. ജനറല്‍ അസംബ്ലി 2018 നവംബറിലാണ് എല്ലാ വര്‍ഷവും ജനുവരി 4 ബ്രെയിലി ദിനമായി ആചരിക്കാന്‍ തീരുമാനിച്ചത്. ലൂയിസ് ബ്രെയിലിയുടെ ജന്മദിനമാണ് ജനുവരി 4.

അവന്‍ഗാര്‍ഡ്
തെക്കന്‍ റഷ്യയിലെ യൂറാല്‍ പര്‍വത നിരകളില്‍നിന്ന് വിക്ഷേപിച്ച മിസൈല്‍ 6000 കിലോമീറ്റര്‍ അകലെ കാംചറ്റ്കയില്‍ സ്ഥാപിച്ച ലക്ഷ്യം തകര്‍ത്താണ് വിജയം കണ്ടത്. ശബ്ദത്തേക്കാള്‍ 20 ഇരട്ടി വേഗമാണ് റഷ്യ ഈ മിസൈലിന് അവകാശപ്പെടുന്നത്. ഡിസംബര്‍ 27-നായിരുന്നു പരീക്ഷണം. ലോകത്ത് ഹൈപ്പര്‍ സോണിക് മിസൈലുകള്‍ സ്വന്തമായുള്ള ആദ്യ രാജ്യമായി റഷ്യ മാറിയതായി പ്രസിഡന്റ് വ്‌ളാദമിര്‍ പുതിന്‍ അവകാശപ്പെട്ടു.

ബ്രസീല്‍
ബ്രസീലിലെ തീവ്ര വലതുപക്ഷ പാര്‍ട്ടി നേതാവാണ് ബോല്‍സൊനാരോ. കഴിഞ്ഞ ഒക്ടോബറില്‍ നടന്ന തിരഞ്ഞെടുപ്പില്‍ 55.2 ശതമാനം വോട്ട് നേടിയാണ് ഇദ്ദേഹം പ്രസിഡന്റായി തിരഞ്ഞെടുക്കപ്പെട്ടത്.

തെലങ്കാന
തെലങ്കാനയ്ക്കും ആന്ധ്രപ്രദേശിനും വെവ്വേറെ ഹൈക്കോടതികള്‍ 2019 ജനുവരി 1-ന് നിലവില്‍ വന്നു. തെലങ്കാനയിലെ ഹൈക്കോടതിയുടെ ആദ്യ ചീഫ് ജസ്റ്റിസായി ജസ്റ്റിസ് തോട്ടത്തില്‍ ബി. രാധാകൃഷ്ണനും ആന്ധ്രപ്രദേശ് ഹൈക്കോടതിയുടെ ആദ്യ ചീഫ് ജസ്റ്റിസായി ജസ്റ്റിസ് ചഗരി പ്രവീണ്‍ കുമാറും ജനുവരി 1-ന് ചുമതലയേറ്റു. 2014-ലാണ് ആന്ധ്രപ്രദേശ് വിഭജിച്ച് തെലങ്കാന സംസ്ഥാനം രൂപവത്കരിച്ചത്. വിഭജനത്തിനു ശേഷം ഇതുവരെ ഇരു സംസ്ഥാനങ്ങള്‍ക്കും പൊതുവായി ഹൈദരാബാദ് ആസ്ഥാനമായി ഒരു ഹൈക്കോടതിയായിരുന്നു ഉണ്ടായിരുന്നത്. ആന്ധപ്രദേശിന്റെ ഹൈക്കോടതി വിജയവാഡയിലാണ് പുതുതായി സ്ഥാപിച്ചിരിക്കുന്നത്. തെലങ്കാനയുടേത് ഹൈദരാബാദില്‍ തുടരും.

ഒ.ബി.സി. ഉപ വിഭാഗങ്ങളുടെ പട്ടിക തയ്യാറാക്കല്‍
ഭരണഘടനയുടെ 340-ാം വകുപ്പ് പ്രകാരം 2017 ഒക്ടോബര്‍ രണ്ടിനാണ്‌ കേന്ദ്ര ഗവണ്‍മെന്റ് റിട്ടയേഡ് ജഡ്ജി ജസ്റ്റിസ് ജി. രോഹിണി അധ്യക്ഷനായി കമ്മിഷനെ നിയമിച്ചത്. പിന്നാക്കവിഭാഗ സംവരണം ഒ.ബി.സി. വിഭാഗത്തിലെ എല്ലാ സമുദായങ്ങള്‍ക്കും തുല്യമായി ലഭിക്കുന്നു എന്ന് ഉറപ്പാക്കാനായി ഒ.ബി.സി. വിഭാഗത്തിനകത്ത് ഉപ സംവരണം ഏര്‍പ്പെടുത്തുന്നത് പഠിച്ച് റിപ്പോര്‍ട്ട് സമര്‍പ്പിക്കുകയാണ് കമ്മിഷന്റെ ലക്ഷ്യം. 2019 മേയ് 31 വരെ കമ്മിഷന്റെ കലാവധി നീട്ടി നല്‍കിയിരിക്കുകയാണ് ഇപ്പോള്‍.

സുധീര്‍ ഭാര്‍ഗവ
മുഖ്യ വിവരാവകാശ കമ്മിഷണറായിരുന്ന ആര്‍.കെ. മാഥുര്‍ വിരമിച്ച ഒഴിവിലാണ് സുധീര്‍ ഭാര്‍ഗവയെ നിയമിച്ചത്. ഇന്‍ഫര്‍മേഷന്‍ കമ്മിഷണറായി പ്രവര്‍ത്തിച്ചു വരികയായിരുന്നു. 2005-ല്‍ നിലവില്‍വന്ന വിവരാവകാശ കമ്മിഷന്റെ ഒമ്പതാമത് മുഖ്യ വിവരാവകാശ കമ്മിഷണറാണ് സുധീര്‍ ഭാര്‍ഗവ. വജാഹത്ത് ഹബിബുള്ളയായിരുന്നു ഇന്ത്യയുടെ ആദ്യ മുഖ്യ വിവരാവകാശ കമ്മിഷണര്‍.

എന്‍.എസ്.മാധവന്‍
കഥ, നോവല്‍ വിഭാഗങ്ങളില്‍ മലയാള സാഹിത്യത്തിന് നല്‍കിയ സംഭാവനകള്‍ പരിഗണിച്ചാണ് എന്‍.എസ്.മാധവനെ പുരസ്‌കാരത്തിന് തിരഞ്ഞെടുത്തത്. രണ്ട് ലക്ഷം രൂപയാണ് സമ്മാനത്തുക. 2017-ല്‍ എം.കെ.സാനുവിനായിരുന്നു പുരസ്‌കാരം.

സ്മൃതി മന്ദാന
ഇന്ത്യന്‍ വനിത ക്രിക്കറ്റ് ടീം വൈസ് ക്യാപ്റ്റനാണ് സ്മൃതി മന്ദാന. മികച്ച ഏകദിന താരവും സ്മൃതി മന്ദാനയാണ്. ഓസ്‌ട്രേലിയന്‍ ടീമിന്റെ വിക്കറ്റ് കീപ്പറായ അലിസ ഹെയ്‌ലിയാണ് മികച്ച T 20 താരം.

അവാമി ലീഗ്
ഡിസംബര്‍ 30-ന് നടന്ന പാര്‍ലമെന്റ് തിരഞ്ഞെടുപ്പില്‍ 288 സീറ്റുകളില്‍ അവാമി ലീഗ് വിജയം നേടി. 350 അംഗ പാര്‍ലമെന്റില്‍ 299 സീറ്റുകളിലേക്കാണ് തിരഞ്ഞെടുപ്പ് നടന്നത്. മുഖ്യ പ്രതിപക്ഷ പാര്‍ട്ടിയായ ബംഗ്ലാദേശ് നാഷണല്‍ പാര്‍ട്ടി ആറു സീറ്റുകള്‍ നേടി. അവാമി ലീഗ് നോതാവ് ശൈഖ് ഹസീനയാണ് ബംഗ്ലാദേശിന്റെ നിലവിലെ പ്രധാനമന്ത്രി.