സ്റ്റാര്‍ട്ടപ്പ്
കേന്ദ്ര സര്‍ക്കാരിന്റെ ശാസ്ത്ര സാങ്കേതിക വകുപ്പാണ് നിധി പ്രയാസ് പദ്ധതി നടപ്പാക്കുന്നത്. വിജ്ഞാന സംബന്ധമായ സംരംഭങ്ങളെയും സ്റ്റാര്‍ട്ടപ്പുകളെയും പരിപോഷിപ്പിക്കുകയാണ് ലക്ഷ്യം. കൊച്ചിയിലെ ഇലക്ട്രോണിക് ഹാര്‍ഡ് വേര്‍ ഇന്‍ക്യുബേറ്ററായ മേക്കര്‍ വില്ലേജിനെ കഴിഞ്ഞയാഴ്ച ഈ പദ്ധതിയില്‍ ഉള്‍പ്പെടുത്തിയിട്ടുണ്ട്.

ജപ്പാന്‍
ജീവിച്ചിരിക്കുന്നതില്‍ ഏറ്റവും പ്രായമേറിയ പുരുഷന്‍ എന്ന ഗിന്നസ് റെക്കോഡിനുടമയായിരുന്നു മസാസോ നൊനാക്ക. 1905 ജൂലായ് 25-നായിരുന്നു നൊനാക്കയുടെ ജനനം. അഞ്ച് കുട്ടികളുടെ പിതാവാണ്. ഏറ്റവും കൂടുതല്‍ കാലം ജീവിച്ച മനുഷ്യന്‍ എന്ന ഗിന്നസ് റെക്കോഡ് ഴാങ് ലൂയിയുടെ പേരിലാണ്. 1997-ല്‍ 122-ാം വയസ്സിലാണ് ഇവര്‍ അന്തരിച്ചത്.

എം.എസ്. ധോനി
ഓസ്‌ട്രേലിയയില്‍ നടന്ന ഏകദിന പരമ്പരയില്‍ 2-1നാണ് ഓസ്‌ട്രേലിയയെ ഇന്ത്യ പരാജയപ്പെടുത്തിയത്. തൊട്ടു മുമ്പ് നടന്ന ടെസ്റ്റ് പരമ്പരയും ഇന്ത്യ വിജയിച്ചിരുന്നു. പര്യടനത്തില്‍ തുടക്കത്തില്‍ നടന്ന ട്വന്റി 20 പരമ്പര സമനിലയിലായിരുന്നു.

സിറില്‍ റമഫോസ
ദക്ഷിണാഫ്രിക്കയുടെ പ്രസിഡന്റാണ് സിറില്‍ റമഫോസ. നെല്‍സണ്‍ മണ്ടേലയ്ക്ക് ശേഷം ഇന്ത്യന്‍ റിപ്പബ്ലിക് ദിനാഘോഷത്തില്‍ മുഖ്യാതിഥിയാവുന്ന ദക്ഷിണാഫ്രിക്കന്‍ പ്രസിഡന്റാണ് റമഫോസ. ഇന്ത്യയുടെ 70-മത് റിപ്പബ്ലിക് ദിനാഘോഷമാണ് 2019-ലേത്.

വീരാന്‍കുട്ടി
2017-ലെ കേരള സാഹിത്യ അക്കാദമി അവാര്‍ഡുകള്‍ പ്രഖ്യാപിച്ചത് 2019 ജനുവരി 23നാണ്. വീരാന്‍കുട്ടിയുടെ മിണ്ടാപ്രാണി എന്ന കവിതയ്ക്കാണ് പുരസ്‌കാരം. നിരീശ്വരന്‍ എന്ന നോവലിന് വി.ജെ.ജെയിംസ് പുരസ്‌കാരം നേടി. മറ്റ് പുരസ്‌കാര ജേതാക്കള്‍ ഇവരാണ്-വൈജ്ഞാനിക സാഹിത്യം-എന്‍.ജെ.കെ. നായര്‍(നദീ വിജ്ഞാനം), ജീവചരിത്രം/ ആത്മകഥ-ജയചന്ദ്രന്‍ മൊകേരി(എന്റെ ജയില്‍ ജീവിതം), ചെറുകഥ-അയ്മനം ജോണ്‍(ഇതരചരാചരങ്ങളുടെ ചരിത്ര പുസ്തകം), യാത്രാ വിവരണം-സി.വി. ബാലകൃഷ്ണന്‍(ഏതേതോ സരണികളില്‍), നാടകം- എസ്.വി. വേണുഗോപന്‍ നായര്‍(സ്വദേശാഭിമാനി), വിവര്‍ത്തനം- രമാ മേനോന്‍(പര്‍വതങ്ങളും മാറ്റൊലി കൊള്ളുന്നു), സാഹിത്യ വിമര്‍ശനം-കല്‍പറ്റ നാരായണന്‍(കവിതയുടെ ജീവചരിത്രം), ബാലസാഹിത്യം-വി.ആര്‍.സുധീഷ്(കുറുക്കന്‍മാഷിന്റെ സ്‌കൂള്‍), ഹാസസാഹിത്യം-ചൊവ്വല്ലൂര്‍ കൃഷ്ണന്‍ കുട്ടി(എഴുത്തനുകരണം അനുരണനങ്ങളും).

ദാവോസ്
സര്‍ക്കാര്‍, സര്‍ക്കാരിതര സ്ഥാപനങ്ങളുടെ സംയുക്ത അന്താരാഷ്ട്ര സംഘടനയാണ് ലോക സാമ്പത്തിക ഫോറം. ഇന്ത്യ ഉള്‍പ്പെടെയുള്ള രാജ്യങ്ങളിലെ ബഹുരാഷ്ട്ര കമ്പനികള്‍ ഇതില്‍ അംഗങ്ങളാണ്. യൂറോപ്യന്‍ ഇക്കണോമിക് ഫോറം എന്ന പേരില്‍ പ്രവര്‍ത്തിച്ച സംഘടന വിപുലപ്പെടുത്തി 1987-ലാണ് വേള്‍ഡ് ഇക്കണോമിക് ഫോറമായി മാറിയത്. 2015-ല്‍ അന്താരാഷ്ട്ര സംഘടനയായി അംഗീകരിക്കപ്പെട്ടു. ക്ലോസ് ഷ്വാബ് ആണ് ഇതിന്റെ സ്ഥാപകനും എക്‌സിക്യുട്ടീവ് ചെയര്‍മാനും.

മുംബൈ
മുംബൈയിലെ ഫിലിം ഡിവിഷനില്‍ സ്ഥാപിച്ച സിനിമ മ്യൂസിയം 2019 ജനുവരി 19-ന് നരേന്ദ്ര മോദി ഉദ്ഘാടനം ചെയ്തു. 140.61 കോടി രൂപയാണ് ഇതിന്റെ നിര്‍മാണ് ചെലവ്. നാഷണല്‍ മ്യൂസിയം ഓഫ് ഇന്ത്യന്‍ സിനിമ എന്നാണ് പേര്. ഏഷ്യയിലെ ഏറ്റവും ബൃഹത്തായ സിനിമ മ്യൂസിയമാണ് ഇത്. മ്യൂസിയത്തിന്റെ ആദ്യ ഹാളില്‍ ഇന്ത്യന്‍ സിനിമയുടെ ചരിത്രമാണ് പ്രദര്‍ശിപ്പിച്ചിരിക്കുന്നത്. എട്ടാമത്തെ ഹാളിലാണ് മലയാളം ഉള്‍പ്പെടെയുള്ള പ്രാദേശിക ഭാഷകളുടെ ചരിത്രം പ്രദര്‍ശിപ്പിച്ചിരിക്കുന്നത്.

ഡോ. വി.ആര്‍. പ്രബോധചന്ദ്രന്‍
രംഗകലാ നിരൂപകന്‍, പ്രഭാഷകന്‍ തുടങ്ങിയ മേഖലകളില്‍ പ്രശസ്തനായ ഡോ. വി.ആര്‍. പ്രബോധ ചന്ദ്രന്‍ കേരള കലാമണ്ഡലം ചെയര്‍മാനായിരുന്നു. ലണ്ടന്‍ സര്‍വകലാശാലയില്‍നിന്ന് ഡോക്ടറേറ്റ് നേടിയ ഇദ്ദേഹം കേരള സര്‍വകലാശാലയില്‍ ഭാഷാ ശാസ്ത്ര വകുപ്പ് മേധാവിയുമായിരുന്നു. അഞ്ചു ലക്ഷം രൂപയും ബഹുമതി പത്രവുമാണ് പുരസ്‌കാരം.

വിരാട് കോലി
2018-ലെ മികച്ച ടെസ്റ്റ്, ഏകദിന പുരസ്‌കാരവും കോലിക്കാണ്. ഈ മൂന്ന് പുരസ്‌കാരവും ഒരുമിച്ചു നേടുന്ന ആദ്യ താരമാണ് കോലി. അന്താരാഷ്ട്ര ക്രിക്കറ്റ് സംഘടനയായ ഐ.സി.സിയുടെ ടെസ്റ്റ്, ഏകദിന ടീമുകളുടെ നായകനായും വിരാട് കോലിയെ തിരഞ്ഞെടുത്തു. 2018-ലെ എമര്‍ജിങ് പ്ലെയര്‍ പുരസ്‌കാരം ഇന്ത്യയുടെ ഋഷഭ് പന്തിനാണ്.

വാരണാസി
15-ാമത് പ്രവാസി ഭാരതീയ സമ്മേളനം വാരണാസിയില്‍ ജനുവരി 22-ന് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. മൗറീഷ്യസ് പ്രധാനമന്ത്രി പ്രവിന്ദ് ജുഗ്നൗത് ആയിരുന്നു മുഖ്യാതിഥി. 2003-ലാണ് പ്രവാസി ഭാരതീയ സമ്മേളനത്തിന് തുടക്കം കുറിച്ചത്. 2015 വരെ എല്ലാ വര്‍ഷവും ജനുവരിയില്‍ സമ്മേളനം നടത്തി. 2015 മുതല്‍ രണ്ട് വര്‍ഷം കൂടുമ്പോഴാണ് സമ്മേളനം നടത്തുന്നത്. മഹാത്മാ ഗാന്ധി ദക്ഷിണാഫ്രിക്കയില്‍നിന്ന് ഇന്ത്യയിലേക്ക് തിരിച്ചെത്തിയതിന്റെ സ്മരണയ്ക്കായി പ്രവാസി ഭാരതീയ ദിനമായി എല്ലാ വര്‍ഷവും ജനുവരി 9 ആചരിച്ചുവരുന്നുണ്ട്.