വെനസ്വേല
പ്രസിഡന്റ് പദവിയിലിരിക്കുന്ന നിക്കൊളാസ് മഡുറോ തിരഞ്ഞെടുപ്പില്‍ ക്രമക്കേട് കാണിച്ചു എന്നാരോപിച്ച് വെനസ്വേലയിൽ പ്രതിപക്ഷം പ്രക്ഷോഭത്തിലാണ്. ഇതിന് നേതൃത്വം നല്‍കുന്ന പ്രതിപക്ഷ നേതാവാണ് വാന്‍ ഒയ്‌ദോ. ഫെബ്രുവരി 3 നകം വീണ്ടും പ്രസിഡന്റ് തിരഞ്ഞെടുപ്പ് പ്രഖ്യാപിക്കണമെന്ന് യൂറോപ്യന്‍ യൂണിയന്‍ മഡുറോയോട് ആവശ്യപ്പെട്ടിരുന്നു. ഇത് മഡുറോ അംഗീകരിക്കാത്തതിനെത്തുടര്‍ന്നാണ് ഫ്രാന്‍സ്, ജര്‍മനി, സ്‌പെയിന്‍ തുടങ്ങിയ രാജ്യങ്ങള്‍ ഒയ്‌ദോയെ ഇടക്കാല പ്രസിഡന്റായി അംഗീകരിച്ചത്. ബ്രിട്ടനും അമേരിക്കയും ഇതിന് പിന്തുണ നല്‍കുന്നുണ്ട്. എന്നാല്‍ റഷ്യ മഡുറോയ്ക്ക് ഒപ്പമാണ്.

ഋഷി കുമാര്‍ ശുക്ല
മധ്യപ്രദേശിന്റ മുന്‍.ഡി.ജിപി. ആയിരുന്നു ആര്‍.കെ. ശുക്ല. ഫെബ്രുവരി 4-നാണ് ശുക്ല ചുമതലയേറ്റത്. സി.ബി.ഐ.യുടെ ഇടക്കാല ഡയരക്ടറായി എം. നാഗേശ്വര്‍ റാവു പ്രവര്‍ത്തിച്ചു വരികയായിരുന്നു. 1941-ലാണ് സി.ബി.ഐ. സ്ഥാപിതമായത്. Industry, Impartiality, Integrtiy എന്നതാണ് സി.ബി.ഐ.യുടെ ആപ്തവാക്യം.

ദാക്ഷായണി വേലായുധന്‍
ഇന്ത്യയിലെ പട്ടിക ജാതിക്കാരിലെ ആദ്യ ബിരുദ ധാരിണിയാണ് ദാക്ഷായണി വേലായുധന്‍. ദാക്ഷായണി വേലായുധന്റെ സ്മരണയ്ക്കായി സംസ്ഥാന സര്‍ക്കാര്‍ പുരസ്‌കാരം ഏര്‍പ്പെടുത്തുന്നതായി ഈ വര്‍ഷത്തെ സംസ്ഥാന ബജറ്റില്‍ പ്രഖ്യാപനമുണ്ട്. സ്ത്രീ ശാക്തീകരണത്തിനും പാര്‍ശ്വ വത്കൃതരുടെ ഉന്നമനത്തിനും വേണ്ടി പ്രവര്‍ത്തിക്കുന്ന വനിതകളില്‍ ഓരാള്‍ക്കായിരിക്കും പുരസ്‌കാരം. കേരള പുലയര്‍ മഹാസഭയുടെ പ്രസിഡന്റായിരുന്നു കെ.പി. വള്ളോന്റെയും എട്ടാം കേരള നിയമസഭയില്‍ അംഗമായിരുന്ന കെ.കെ. മാധവന്റെയും സഹോദരിയാണ് ദാക്ഷായണി വേലായുധന്‍.

40-ാമത്
യൂറോപ്യന്‍ യൂണിയന്റെ ബഹിരാകാശ വാഹനമായ ഏരിയന്‍-5VA ഉപയോഗിച്ച് ഫ്രഞ്ച് ഗയാനയിലെ കൗറുവിൽ നിന്നാണ് GSAT-31 വിക്ഷേപിച്ചത്. 2536 കിലോഗ്രാമാണ് ഉപഗ്രഹത്തിന്റെ ഭാരം. 15 വര്‍ഷമാണ് പ്രവര്‍ത്തന കാലാവധി പ്രതീക്ഷിക്കുന്നത്. പ്രവര്‍ത്തനരഹിതമായിക്കൊണ്ടിരിക്കുന്ന ഇന്‍സാറ്റ് 4 സി.ആര്‍. ഉപഗ്രഹത്തിന് പകരമായാണ് ഇത് വിക്ഷേപിച്ചത്.

7.18
കേരള സംസ്ഥാന ആസൂത്രണ ബോര്‍ഡിന്റെ 2017-18 ലെ സാമ്പത്തികാവലോകനത്തിലാണ് കേരളം 7.18 ശതമാനം വളര്‍ച്ച കൈവരിച്ചതായി വ്യക്തമാക്കിയിരിക്കുന്നത്. സംസ്ഥാന ബജറ്റിനു മുന്നോടിയായി ജനുവരി 30-നാണ് റിപ്പോര്‍ട്ട് അവതരിപ്പിച്ചത്. 2017-18-ല്‍ രാജ്യത്തിന്റെ ആകെ വളര്‍ച്ച നിരക്ക് 6.68 ശതമാനമായിരുന്നു. 2017-18 ല്‍ കേരളത്തിന്റെ വളര്‍ച്ചാനിരക്കില്‍ കാര്‍ഷിക മേഖലയാണ് മികച്ച നേട്ടം കൈവരിച്ചത്. 0.02 ശതമാനത്തില്‍നിന്ന് 3.64 ശതമാനമായി ഈ മേഖലയുടെ വളര്‍ച്ചാ നിരക്ക് ഉയര്‍ന്നു.

6.25
റിസര്‍വ് ബാങ്ക് ഗവര്‍ണര്‍ ശശികാന്ത് ദാസിന്റെ അധ്യക്ഷതയില്‍ ചേര്‍ന്ന മോണിറ്ററി പോളിസി കമ്മിറ്റിയാണ് റിപ്പോ നിരക്കില്‍ കുറവ് വരുത്തിയത്. ഫെബ്രുവരി 7-ന് പുതുക്കിയ റിപ്പോ നിരക്ക് റിസര്‍വ് ബാങ്ക് പ്രഖ്യാപിച്ചു. 6.50 ശതമാനമായിരുന്ന റിപ്പോ നിരക്കില്‍ കാല്‍ ശതമാനം കുറവ് വരുത്തി 6.25 ശതമാനമാക്കി. പണപ്പെരുപ്പ നിരക്ക് കുറഞ്ഞതോടെയാണ് റിപ്പോ നിരക്ക് കുറച്ചത്. പണപ്പെരുപ്പം ഡിസംബറില്‍ കഴിഞ്ഞ ഒന്നര വര്‍ഷത്തിനിടയിലെ ഏറ്റവും താഴ്ന്ന നിരക്കായ 2.2 ശതമാനമായി കുറഞ്ഞിരുന്നു. റിവേഴ്‌സ് റിപ്പോ നിരക്ക് 6.25 ശതമാനമായി തുടരും. ബാങ്കുകള്‍ റിസര്‍വ് ബാങ്കില്‍നിന്ന് കടമെടുക്കുന്ന തുകയ്ക്ക് ഈടാക്കുന്ന പലിശ നിരക്കാണ് റിപ്പോ നിരക്ക്. ഇത് കുറയ്ക്കുമ്പോള്‍ ബാങ്കുകള്‍ നല്‍കുന്ന ലോണുകളുടെ പലിശനിരക്കിലും കുറവു വരാറുണ്ട്. വാണിജ്യ ബാങ്കുകളില്‍നിന്ന് റിസര്‍വ് ബാങ്ക് കടമെടുക്കുന്ന തുകയ്ക്ക് നല്‍കുന്ന പലിശ നിരക്കാണ് റിവേഴ്‌സ് റിപ്പോ. റിവേഴ്‌സ് റിപ്പോ നിരക്ക് കൂടുമ്പോള്‍ പൊതുവിപണിയില്‍ പണലഭ്യത കുറയും.

വിദര്‍ഭ
നാഗ്പുരില്‍ നടന്ന ഫൈനലില്‍ സൗരാഷ്ട്രയെ പരാജയപ്പെടുത്തിയാണ് വിദര്‍ഭ കിരീടം നേടിയത്. വിദര്‍ഭയുടെ തുടര്‍ച്ചയായ രണ്ടാം രഞ്ജി കിരീടമാണിത്. സൗരാഷ്ട്ര മൂന്നാം തവണയാണ് രഞ്ജി ഫൈനലില്‍ പരാജയപ്പെടുന്നത്. സെമി ഫൈനലില്‍ കേരളത്തെ പരാജയപ്പെടുത്തിയാണ് വിദര്‍ഭ ഫൈനലിലെത്തിയത്. രഞ്ജി ട്രോഫിയുടെ 85-മത് സീസണാണ് ഇത്തവണ പൂര്‍ത്തിയായത്.

സുസ്ഥിര വിനോദ സഞ്ചാരം
മൂന്ന് വര്‍ഷാചരണമാണ് 2019-ല്‍ യു.എന്‍. നേതൃത്വത്തില്‍ അന്തര്‍ദേശീയതലത്തില്‍ നടത്തുന്നത്. തദ്ദേശീയ ഭാഷാ വര്‍ഷാചരണം, പിരിയോഡിക് ടേബിള്‍ വര്‍ഷാചരണം, മോഡറേഷന്‍ വര്‍ഷാചരണം എന്നിവയാണിവ. സുസ്ഥിര വിനോദ സഞ്ചാര വര്‍ഷാചരണം 2017-ലായിരുന്നു.

1860
1860 ഏപ്രില്‍ ഏഴിന് ഈസ്റ്റ് ഇന്ത്യ കമ്പനി അവതരിപ്പിച്ച ബജറ്റാണ് ഇന്ത്യയിലെ ആദ്യത്തേത്. സ്വതന്ത്ര ഇന്ത്യയില്‍ ഏറ്റവും കൂടുതല്‍ ബജറ്റ് അവതരിപ്പിച്ച കേന്ദ്ര ധനകാര്യ മന്ത്രി മൊറാര്‍ജി ദേശായി ആണ്; 10 തവണ. എട്ട് തവണ ബജറ്റ് അവതരിപ്പിച്ച പി. ചിദംബരമാണ് രണ്ടാമത്. കേന്ദ്രത്തിലെ ആദ്യ വനിത ധനകാര്യ മന്ത്രി ഇന്ദിരാ ഗാന്ധിയാണ്.

നാല്
1930 മാര്‍ച്ച് 12 അഹമ്മദാബാദിലെ സാബര്‍മതി ആശ്രമത്തില്‍നിന്ന് തുടങ്ങിയ ദാണ്ഡി യാത്രയില്‍ ഗാന്ധിജിക്കൊപ്പം പങ്കെടുത്ത മുഴുവന്‍ സമയ വളണ്ടിയര്‍മാരുടെ ശില്പങ്ങളാണ് ദാണ്ഡിയില്‍ സ്മാരകമായി നിര്‍മിച്ചത്. 80 പേരുടെ ശില്പങ്ങളിവിടെ സ്ഥാപിച്ചിട്ടുണ്ട്. ദാണ്ഡി യാത്രയില്‍ പങ്കെടുത്ത മലയാളികളായ ടൈറ്റസ്,രാഘവന്‍ജി, കൃഷ്ണന്‍നായര്‍, ശങ്കരന്‍ എന്നിവരുടെ ശില്പങ്ങളിതിലുണ്ട്. 2019 ജനുവരി 30-ന് പ്രധാനമന്ത്രി നരേന്ദ്ര മോദിയാണ് സ്മാരകം ഉദ്ഘാടനം ചെയ്തത്.