മലപ്പുറം
2019-ലെ സ്വച്ഛത എക്‌സലന്‍സ് പുരസ്‌കാരം നേടിയത് റായ്ഗഡ് മുനിസിപ്പല്‍ കോര്‍പ്പറേഷനാണ്. അംബികാപുര്‍, കുംഭകോണം എന്നിവയ്ക്കാണ് യഥാക്രമം രണ്ടും മൂന്നും സ്ഥാനങ്ങള്‍. ദശലക്ഷത്തില്‍ കൂടുതല്‍ ജനസംഖ്യയുള്ള നഗരങ്ങളുടെ വിഭാഗത്തില്‍ ഗ്രേറ്റര്‍ ഹൈദരാബാദ് മുനിസിപ്പല്‍ കോര്‍പ്പറേഷന്‍ ഒന്നാം സ്ഥാനം നേടി.

കെപി ബോട്ട്
തിരുവനന്തപുരം വഴുതക്കാട്ടുള്ള പോലീസ് ആസ്ഥാനത്താണ് കെപി ബോട്ട് എന്ന പേരിലുള്ള റോബോട്ട് സ്ഥാപിച്ചിരിക്കുന്നത്. പോലീസില്‍ ഇന്ത്യയില്‍ ആദ്യത്തേതും ലോകത്ത് നാലാമത്തേതുമാണ് ഈ രീതിയുലുള്ള മനുഷ്യ റോബോട്ട്. പോലീസ് ആസ്ഥാനത്തെത്തുന്ന സന്ദര്‍ശകരെ സ്വീകരിക്കാനും ബന്ധപ്പെട്ട സെക്ഷനുകളിലേക്ക് നയിക്കാനും ഇനി റോബോട്ടിന്റെ സേവനം ഉപയോഗിക്കും. വനിത എസ്.ഐ.യുടെ മാതൃകയിലാണ് റോബോട്ടിനെ നിര്‍മിച്ചിരിക്കുന്നത്. കൊച്ചിയിലെ സ്റ്റാര്‍ട്ട് അപ്പ് സംരംഭമായ അസിമോവ് റോബോട്ടിക്‌സ് എന്ന സ്ഥാപനവുമായി ചേര്‍ന്ന് കേരള പോലീസ് സൈബര്‍ ഡോമാണ് റോബോട്ട് വികസിപ്പിച്ചത്.

ബെംഗളൂരു
ഫെബ്രുവരി 20 മുതല്‍ 24 വരെയാണ് യെലഹങ്ക വ്യോമസേനാ താവളത്തില്‍ എയ്‌റോ ഇന്ത്യ നടക്കുന്നത്. ഏറ്റവും പുതിയ വാണിജ്യ, സൈനിക വിമാനങ്ങള്‍ ഉള്‍പ്പെടെയുള്ളവയുടെ പ്രദര്‍ശനവും വിപണനവുമാണ് എയ്‌റോ ഇന്ത്യയില്‍ നടക്കുന്നത്. 1996-ലാണ് ആദ്യമായി ഇത് സംഘടിപ്പിച്ചത്. പ്രതിരോധ മന്ത്രാലയത്തിനു കീഴിലുള്ള ഡിഫന്‍സ് എക്‌സിബിഷന്‍ ഓര്‍ഗനൈസേഷനാണ് പ്രദര്‍ശനം സംഘടിപ്പിക്കുന്നത്.

ഇടുക്കി
ഇടുക്കി ആര്‍ച്ച് ഡാമിന് സമീപമാണ് കര്‍ഷക കുടിയേറ്റത്തിന്റെ ചരിത്രം രേഖപ്പെടുത്തുന്ന കുടിയേറ്റ സ്മാരകം നിര്‍മിക്കുന്നത്. ഫെബ്രുവരി 20-ന് മന്ത്രി എം.എം.മണി മ്യൂസിയത്തിന്റെ ശിലാ സ്ഥാപനം നിര്‍വഹിച്ചു. കര്‍ഷക പ്രതിമയോടുകൂടിയ മ്യൂസിയം, ത്രിഡി തിയേറ്റര്‍, ചില്‍ഡ്രന്‍സ് പാര്‍ക്ക് തുടങ്ങിയവയോടെയുള്ള സ്മാരകത്തിന്റെ ആദ്യഘട്ട നിര്‍മാണത്തിന് മൂന്ന് കോടി രൂപയാണ് അനുവദിച്ചത്.

പാപ്പിനശ്ശേരി
കണ്ണൂര്‍ ജില്ലയിലാണ് പാപ്പിനശ്ശേരി ഗ്രാമപഞ്ചായത്ത്. സംസ്ഥാന തലത്തില്‍ രണ്ടാം സ്ഥാനം നേടിയത് എറണാകുളം ജില്ലയിലെ മുളന്തുരത്തി പഞ്ചായത്തും മൂന്നാം സ്ഥാനം നേടിയത് കോഴിക്കോട് ജില്ലയിലെ ചേമഞ്ചേരി പഞ്ചായത്തുമാണ്. മികച്ച ബ്ലോക്ക് പഞ്ചായത്ത് തിരുവനന്തപുരം ജില്ലയിലെ നെടുമങ്ങാടാണ്. മികച്ച ജില്ലാ പഞ്ചായത്ത് തിരുവനന്തപുരമാണ്.

ന്യൂഡല്‍ഹി
ഇന്ത്യന്‍ കൗണ്‍സില്‍ ഓഫ് അഗ്രിക്കള്‍ച്ചറല്‍ റിസര്‍ച്ചും ഇന്ത്യന്‍ അഗ്രിക്കള്‍ച്ചറല്‍ റിസര്‍ച്ച് ഇന്‍സ്റ്റിറ്റ്യൂട്ടും സംയുക്തമായി നടത്തുന്ന അഗ്രിക്കള്‍ച്ചറല്‍ സയന്‍സ് കോണ്‍ഗ്രസിന്റെ 14-ാമത് എഡിഷനാണ് 2019-ല്‍ ന്യൂഡല്‍ഹിയില്‍ വെച്ച് നടക്കുന്നത്. ഫെബ്രുവരി 20-മുതല്‍ 23 വരെയാണ് സമ്മേളനം. Innovations for Agricultural Transformation എന്നതാണ് കോണ്‍ഗ്രസിന്റെ ഇത്തവണത്തെ വിഷയം.

മാര്‍ച്ച് 3
സമുദ്ര ജൈവ സമ്പത്തിന്റെ വിപുലമായ വൈവിധ്യത്തെക്കുറിച്ചും സുസ്ഥിര വികസനത്തിന് സമുദ്ര ജൈവവൈവിധ്യത്തിനുളള പ്രാധാന്യത്തെക്കുറിച്ചുമുളള ബോധവത്കരണത്തിനാണ് 2019-ലെ ദിനാചരണത്തില്‍ ഊന്നല്‍ നല്‍കുന്നത്. ഫെബ്രുവരി 21-ന് മാതൃഭാഷാ ദിനമായാണ് യു.എന്‍. ആചരിച്ചത്. മാര്‍ച്ച് 1 വിവേചന വിരുദ്ധ ദിനവും മാര്‍ച്ച് 8 അന്താരാഷ്ട്ര വനിതാ ദിനമായും ആചരിക്കുന്നു.

കാലാവസ്ഥാ വ്യതിയാനം
കാലാവസ്ഥാ വ്യതിയാനത്തെക്കുറിച്ച് മുന്നറിയിപ്പ് നല്‍കിയ ആദ്യ ഗവേഷകരില്‍ ഒരാളാണ് വാലസ് ബ്രോക്കര്‍. ഗ്ലോബല്‍ വാമിങ് (ആഗോള താപനം) എന്ന പ്രയോഗം ആദ്യമായി നാണയപ്പെടുത്തിയത് വാലസ് ബ്രോക്കര്‍ ആണ്‌. അമേരിക്കയിലെ കൊളംബിയ സര്‍വകലാശാലയില്‍ എര്‍ത്ത് ആന്‍ഡ് എന്‍വയോണ്മെന്റല്‍ വകുപ്പില്‍ പ്രൊഫസറായിരുന്നു വാലസ്.

വിദര്‍ഭ
നാഗ്പുരില്‍ നടന്ന ഫൈനലില്‍ റെസ്റ്റ് ഓഫ് ഇന്ത്യയ്‌ക്കെതിരെ ഒന്നാം ഇന്നിങ്‌സ് ലീഡ് നേടിയാണ് വിദര്‍ഭ ഇറാനി കപ്പ് സ്വന്തമാക്കിയത്. മത്സരം സമനിലയിലവസാനിക്കുകയായിരുന്നു. ഇറാനി കപ്പില്‍ വിദര്‍ഭയുടെ രണ്ടാമത് കിരീട നേട്ടമാണിത്. 2019-ലെ രഞ്ജി ട്രോഫി കിരീടവും വിദര്‍ഭയ്ക്കായിരുന്നു.

നരേന്ദ്ര മോദി
1990-ല്‍ ദക്ഷിണ കൊറിയയിലെ സോളില്‍ നടന്ന 24-ാമത് ഒളിമ്പിക്‌സിന്റെ സ്മരണയ്ക്കായാണ് 1990-ല്‍ സോള്‍ സമാധാന പുരസ്‌കാരം ഏര്‍പ്പെടുത്തിയത്. ഈ പുരസ്‌കാരം ലഭിച്ച 14-ാമത് വ്യക്തിയാണ് നരേന്ദ്ര മോദി. യു.എന്‍. മുന്‍ സെക്രട്ടറി ജനറല്‍ കോഫി അന്നന്‍, ജര്‍മന്‍ ചാന്‍സലര്‍ ആംഗല മെര്‍ക്കല്‍ എന്നിവര്‍ ഈ പുരസ്‌കാരം സ്വീകരിച്ചവരില്‍ ഉള്‍പ്പെടുന്നു. ഇന്ത്യന്‍, ആഗോള സാമ്പത്തിക വളര്‍ച്ചയില്‍ മോഡിനോമിക്‌സ് എന്നി വിളിക്കാവുന്ന സ്വന്തം സാമ്പത്തിക നയത്തിലൂടെ നല്‍കിയ സംഭാവന പരിഗണിച്ചാണ് മോദിക്ക് 2018-ലെ പുരസ്‌കാരം നല്‍കിയത്.