National Common Mobility Card
മാര്‍ച്ച് 5-ന് അഹമ്മദാബാദില്‍ പ്രധാന മന്ത്രി നരേന്ദ്ര മോദിയാണ് കാര്‍ഡ് പുറത്തിറക്കിയത്. ഇന്ത്യ സ്വന്തമായി വികസിപ്പിച്ച ആദ്യ പേമെന്റ് പ്ലാറ്റ് ഫോമിന്റെ ഭാഗമാണ് പുതിയ കാര്‍ഡ് സംവിധാനം. മെട്രോ, ബസ്, സബര്‍ബന്‍ ട്രെയിന്‍, സ്മാര്‍ട്ട് സിറ്റി എന്നിവിടങ്ങളിലെല്ലാം എല്ലാ ബില്ലടവും ഒറ്റ കാര്‍ഡ് ഉപയോഗിച്ച് ചെയ്യാം. ഓഫ് ലൈനായും പണമിടപാട് നടത്താമെന്നതാണ് പ്രത്യേകത.

ഇന്ത്യ ഗവണ്‍മെന്റ്
മാര്‍ച്ച് 7-ന് ഡല്‍ഹിയില്‍ പ്രധാനമന്ത്രി നരേന്ദ്ര മോദി പ്രകാശനം ചെയ്ത Dictionary of Martyrs: India's Freedom Struggle ഇന്ത്യന്‍ സ്വാതന്ത്ര്യ സമര ചരിത്രത്തിലെ രക്തസാക്ഷികളുടെ വ്യക്തി വിവരങ്ങളടങ്ങിയ റഫറന്‍സ് പുസ്തകമാണ്. 1857 -ലെ ഒന്നാം സ്വാതന്ത്ര്യ സമരം മുതല്‍ 1947 വരെയുള്ള സ്വാതന്ത്ര്യ സമര ചരിത്രത്തിലെ 13400-ല്‍ അധികം രക്ത സാക്ഷികളുടെ വിവരങ്ങളടങ്ങിയതാണ് ഈ ഡിക് ഷ്ണറി. അഞ്ച് വോള്യങ്ങളാണ് ഇതിനുള്ളത്. അഞ്ചാം വോള്യത്തിലാണ് കേരളം ഉള്‍പ്പെടെയുള്ള ദക്ഷിണേന്ത്യൻ സംസ്ഥാനങ്ങളിലെ 1450 സ്വാതന്ത്ര്യ സമര രക്തസാക്ഷികളുടെ വിവരങ്ങളുള്ളത്.

ഇന്ത്യ-ഒമാന്‍
മാര്‍ച്ച് 12 മുതല്‍ 25 വരെ ഒമാനിലെ അല്‍ അക്ദര്‍ മൗണ്ടെയിന്‍സില്‍ വെച്ചാണ് അല്‍ നഗ 2019 നടക്കുന്നത്. ഇരു രാജ്യങ്ങളും ചേര്‍ന്നുള്ള മൂന്നാമത്തെ സൈനികാഭ്യാസമാണിത്. 2015, 2017 വര്‍ഷങ്ങളിലാണ് ഇതിനു മുമ്പ് അല്‍ നഗ നടന്നത്. ഇന്ത്യന്‍ കരസേനയിലെ അംഗങ്ങളാണ് ഇതില്‍ പങ്കെടുക്കുന്നത്. 2006-ലെ ഇന്ത്യ-ഒമാന്‍ ജോയിന്റ് മിലിട്ടറി കോ ഓപ്പറേഷന്‍ മീറ്റിങ്ങിലെ ധാരണപ്രകാരമാണ് ഇരു രാജ്യങ്ങളും തമ്മില്‍ സൈനിക സഹകരണം തുടരുന്നത്.

ക്രിക്കറ്റ്
2022-ലെ ഏഷ്യന്‍ ഗെയിംസിന് ചൈനയിലെ ഹോങ്ഷു വേദിയാവും. 2010-ലും 2014-ലും നടന്ന ഏഷ്യന്‍ ഗെയിംസുകളില്‍ ക്രിക്കറ്റ് ഉള്‍പ്പെടുത്തിയിരുന്നു. ടി-20 ഫോര്‍മാറ്റിലായിരുന്നു മത്സരം.

റഷ്യ
റഷ്യയുമായി ചേര്‍ന്ന് രൂപവത്കരിച്ച ഇന്‍ഡോ-റഷ്യന്‍ റൈഫിള്‍സ് പ്രൈവറ്റ് ലിമിറ്റഡാണ് കലാഷ്‌നിക്കോവ് അസോള്‍ട്ട് റൈഫിള്‍ നിര്‍മാണ കേന്ദ്രം തുടങ്ങിയത്. എ.കെ. 203 തോക്കുകളാണ് ഇവിടെനിന്ന് റഷ്യയുടെ സഹകരണത്തോടെ നിര്‍മിക്കുക. രണ്ടാം ലോക മഹായുദ്ധ കാലത്താണ് അസോള്‍ട്ട് റൈഫിള്‍സുകള്‍ ഉപയോഗിച്ചു തുടങ്ങിയത്. എ.കെ. 47 തോക്കുകള്‍ ഈ വിഭാഗത്തില്‍ പെടുന്നവയാണ്.

ജി. സതീഷ് റെഡ്ഡി
ഡിഫന്‍സ് റിസര്‍ച്ച് ഡവലപ്‌മെന്റ് ഓര്‍ഗനൈസേഷനൈസേഷന്റെ തലവനാണ് ജി. സതീഷ് റെഡ്ഡി. 2019-ലെ മിസൈല്‍ സിസ്റ്റം അവാര്‍ഡാണ് ഇദ്ദേഹത്തിന് ലഭിച്ചത്. അമേരിക്കന്‍ ഇന്‍സ്റ്റിറ്റ്യൂട്ട് ഓഫ് ഏറോനോട്ടിക്‌സ് ആന്‍ഡ് ആസ്‌ട്രോനോട്ടിക്‌സിന്റെ ഈ അവാര്‍ഡ് നേടുന്ന അമേരിക്കയ്ക്ക് പുറത്തുള്ള ആദ്യ വ്യക്തിയാണ് ഇദ്ദേഹം. പ്രതിരോധ മന്ത്രി നിര്‍മല സീതാരാമന്റെ ശാസ്ത്ര ഉപദേഷ്ടാവ് കൂടിയാണ് സതീഷ് റെഡ്ഡി.

അസംഘടിത തൊഴിലാളികള്‍
മാസം 15,000 രൂപ വരെ വരുമാനമുള്ള അസംഘടിത തൊഴിലാളികള്‍ക്ക് മാസം 3000 രൂപ വാര്‍ധക്യ കാല പെന്‍ഷന്‍ നല്‍കുന്ന പദ്ധതിയാണ് പ്രധാന്‍ മന്ത്രി ശ്രം യോഗി മാന്‍ ധന്‍ യോജന. 42 കോടിയോളം പേര്‍ക്ക് പദ്ധതിയുടെ ഗുണഫലം ലഭിക്കുമെന്നാണ് കേന്ദ്ര സര്‍ക്കാര്‍ വ്യക്തമാക്കുന്നത്. മാര്‍ച്ച് 5-ന് പ്രധാന മന്ത്രി നരേന്ദ്ര മോദി ഗുജറാത്തിലെ വസ്ത്രാലില്‍ വെച്ച് പദ്ധതി ഉദ്ഘാടനം ചെയ്തു. പദ്ധതിയില്‍ ചേരുന്ന അംഗങ്ങളും കേന്ദ്ര സര്‍ക്കാരും തുല്യവിഹിതം അടച്ചാണ് പദ്ധതി നടപ്പാക്കുക.

7.2 ശതമാനം
2016 സെപ്റ്റംബറിനു ശേഷം ഇന്ത്യയില്‍ രേഖപ്പെടുത്തിയ ഏറ്റവും ഉയര്‍ന്ന തൊഴിലില്ലായ്മ നിരക്കാണ് 2019 ഫെബ്രുവരിയിലേത്. 2018 ഫെബ്രുവരിയില്‍ 5.9 ശതമാനമായിരുന്നു തൊഴിലില്ലായ്മ നിരക്ക്. നിലവില്‍ രാജ്യത്ത് 40 കോടിയോളം പേരാണ് തൊഴിലെടുക്കുന്നത്.

ജെഫ് ബെസോസ്
ഫോബ്‌സ് മാസിക പുറത്തിറക്കിയ ലോകത്തിലെ ശതകോടീശ്വരന്‍മാരുടെ 2019-ലെ പട്ടികയില്‍ ജെഫ് ബെസോസ് ആണ് ഒന്നാം സ്ഥാനത്തുള്ളത്. 13,100 കോടി ഡോളറാണ് ബെസോസിന്റെ ആസ്തി. മൈക്രോസോഫ്റ്റിന്റ സ്ഥാപകന്‍ ബില്‍ ഗേറ്റ്‌സ് ആണ് രണ്ടാം സ്ഥാനത്ത്. ഇന്ത്യയില്‍നിന്ന് റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനി 13-ാം സ്ഥാനം നേടി.

ലോക ജലദിനം
മാര്‍ച്ച് 22-നാണ് ലോക ജലദിനം. വന ദിനവും ഡൗണ്‍ സിന്‍ഡ്രോം ദിനവും മാര്‍ച്ച് 21-നും ട്യൂബര്‍ക്കുലോസിസ് ദിനം മാര്‍ച്ച് 24-നുമാണ്. ശുദ്ധ ജല ലഭ്യത മനുഷ്യാവകാശമായി 2010-ല്‍ ഐക്യരാഷ്ട്ര സംഘടന അംഗീകരിച്ചിരുന്നു. എന്നാൽ ലോകത്ത് 2.1 ബില്യണ്‍ ജനങ്ങള്‍ ഇപ്പോഴും ശുദ്ധ ജലം ലഭിക്കാതെ ജീവിക്കുകയാണെന്നാണ് കണക്ക്. നാലിലൊന്ന് പ്രൈമറി സ്‌കൂളില്‍ കുടിവെള്ള ലഭ്യതയില്ല. അഞ്ച് വയസ്സില്‍ താഴെയുള്ള 700 -ല്‍ അധികം കുട്ടികള്‍ പ്രതിദിനം വയറിളക്കവും മറ്റുമുള്ള ജല ജന്യ രോഗങ്ങള്‍ കാരണം മരിക്കുന്നുണ്ടെന്നാണ് യു.എന്‍. റിപ്പോര്‍ട്ട്.