ഇന്‍ഡോനീഷ്യ
സീതയെ രക്ഷിക്കാനുള്ള ജടായുവിന്റെ പോരാട്ടമാണ് സ്റ്റാമ്പിലെ ചിത്രം. ജക്കാര്‍ത്തയിലെ ഫിലാറ്റലി മ്യൂസിയത്തില്‍ സ്റ്റാമ്പ് പ്രദര്‍ശനത്തിന് വെക്കും.

എസ്.എ. ബോബ്‌ഡെ
ചീഫ് ജസ്റ്റിസ് ഗൊഗോയിക്കെതിരെ ഉയര്‍ന്ന ലൈംഗിക ആരോപണങ്ങള്‍ അന്വേഷിക്കാന്‍ സുപ്രിം കോടതി ആഭ്യന്തര സമിതി രൂപീകരിക്കുകയായിരുന്നു. ജസ്റ്റിസ് എസ്.എ. ബോബ്‌ഡെ അധ്യക്ഷനായ മൂന്നംഗ സമിതിയില്‍ ഇന്ദു മല്‍ഹോത്ര, ജസ്റ്റിസ് ഇന്ദിര ബാനര്‍ജി എന്നിവരാണുള്ളത്. അതേസമയം ചീഫ് ജസ്റ്റിസിനെതിരെയുള്ള ആരോപണം കോര്‍പ്പറേറ്റ് ഗൂഡാലോചനയാണെന്ന അഭിഭാഷകന്‍ ഉത്സവ് സിങ് ബെയിനിന്റെ ആരോപണം അന്വേഷിക്കാന്‍ മുന്‍ ജഡ്ജി എ.കെ. പട്‌നായികിനെ സുപ്രിം കോടതി ചുമതലപ്പെടുത്തിയിട്ടുണ്ട്. ഡല്‍ഹി പോലീസ്, സിബി.ഐ., ഇന്റലിജന്‍സ് ബ്യൂറോ എന്നിവ അന്വേഷണത്തില്‍ പട്‌നായികിനെ സഹായിക്കണമെന്നും സുപ്രിംകോടതി സ്‌പെഷ്യല്‍ ബെഞ്ച് ഉത്തരവിട്ടിട്ടുണ്ട്.

ബഹ്‌റൈന്‍
11 സ്വര്‍ണമടക്കം 22 മെഡലുകളാണ് ബഹ്‌റൈന്‍ നേടിയത്. ഒമ്പത് സ്വര്‍ണം നേടിയ ചൈനയാണ് രണ്ടാം സ്ഥാനത്ത്. നാലാം സ്ഥാനത്തുള്ള ഇന്ത്യ മൂന്ന് സ്വര്‍ണം നേടി. 23-ാമത് ഏഷ്യന്‍ അത്‌ലറ്റിക് ചാമ്പ്യന്‍ഷിപ്പാണ് 2019 ഏപ്രില്‍ 21 മുതല്‍ 24 വരെ ഖത്തറിലെ ദോഹയില്‍ നടന്നത്.

സര്‍വീസസ്
ലുധിയാനയിലെ ഗുരുനാനാക്ക് സ്റ്റേഡിയത്തില്‍ ഏപ്രില്‍ 21-ന് നടന്ന ഫൈനലില്‍ പഞ്ചാബിനെ 1-0 ന് പരാജയപ്പെടുത്തിയാണ് സര്‍വീസസ് കിരീടം നേടിയത്. സന്തോഷ് ട്രോഫിയില്‍ സര്‍വീസസിന്റെ ആറാം കിരീട നേട്ടമാണിത്. ഏറ്റവും കൂടുതല്‍ തവണ സന്തോഷ് ട്രേഫി കിരീടം നേടിയത് പശ്ചിമ ബംഗാളാണ്. 32 തവണ. എട്ടുതവണ വിജയിയായ പഞ്ചാബാണ് രണ്ടാം സ്ഥാനത്ത്. കേരളം ആറ് തവണ സന്തോഷ് ട്രോഫി നേടിയിട്ടുണ്ട്.

യുക്രൈന്‍
'സെര്‍വന്റ് ഓഫ് ദ പീപ്പിള്‍' എന്ന ആക്ഷേപ ഹാസ്യ ടെലിവിഷന്‍ സീരിയലിലൂടെ ശ്രദ്ദേയനായ ഹാസ്യ താരമാണ് സെലന്‍സ്‌കി. അപ്രതീക്ഷിതമായാണ് സെലന്‍സ്‌കി യുക്രൈയിന്‍ പ്രസിഡന്റ് തിരഞ്ഞെടുപ്പില്‍ സ്ഥാനാര്‍ഥിയായതും വിജയിച്ചതും.

ഭോപ്പാല്‍ വാതക ദുരന്തം
ഇന്റര്‍നാഷണല്‍ ലേബര്‍ ഓര്‍ഗനൈസേഷന്‍ തയ്യാറാക്കിയ The Safety and Health at the Heart of the Future of Work - Building on 100 years of experience' എന്ന റിപ്പോര്‍ട്ടിലാണ് 20-ാം നൂറ്റാണ്ടിലെ പ്രധാന വ്യാവസായിക ദുരന്തങ്ങളുടെ പട്ടികയുള്ളത്. 1984-ലാണ് ഭോപ്പാല്‍ ദുരന്തമുണ്ടായത്. മധ്യപ്രദേശിലെ ഭോപ്പാലില്‍ യൂണിയന്‍ കാര്‍ബൈഡ് ഫാക്ടറിയില്‍നിന്ന് 40 ടണ്ണോളം മീഥൈല്‍ ഐസോസയനേറ്റ് ചോര്‍ന്നാണ് ദുരന്തമുണ്ടായത്. ഒദ്യോഗിക കണക്ക് പ്രകാരം 5,295 പേര്‍ മരിച്ചു.

ബംഗ്ലാദേശ്
ഇന്ത്യന്‍ മഹാസമുദ്രത്തിലെ വടക്കു ഭാഗങ്ങളില്‍ രൂപം കൊള്ളുന്ന ചുഴലിക്കാറ്റുകള്‍ക്ക് പേര് നല്‍കുന്നത് ബംഗ്ലാദേശ്, ഇന്ത്യ, മാലദ്വീപ്, മ്യാന്മര്‍, ഒമാന്‍, പാകിസ്താന്‍, ശ്രീലങ്ക, തായ്‌ലന്‍ഡ് എന്നീ രാജ്യങ്ങളാണ്. 50 വര്‍ഷത്തിനിടെ ഏപ്രിലില്‍ ബംഗാള്‍ ഉള്‍ക്കടലിലില്‍ രൂപം കൊണ്ട് തമിഴ്‌നാട്ടിലേക്ക് വീശുന്ന രണ്ടാമത്തെ ചുഴലിക്കാറ്റാണ് ഫാനി. ബംഗാള്‍ ഉള്‍ക്കടലില്‍ ശ്രീലങ്കയുടെ തെക്ക് കിഴക്കായാണ് ഫാനിക്ക് കാരണമായ ന്യൂനമര്‍ദം ഏപ്രില്‍ 25 ഓടെ രൂപപ്പെട്ടത്.

ചൈന
ചൈനയിലെ ഷിയാനില്‍ ഏപ്രില്‍ 23 മുതല്‍ 28 വരെയാണ് മത്സരങ്ങള്‍. ലോക ഒന്നാം നമ്പര്‍ താരമായ ബജ്രംഗ് പൂനിയയാണ് ചാമ്പ്യന്‍ഷിപ്പില്‍ ഇന്ത്യയുടെ ആദ്യ സ്വര്‍ണം നേടിയത്. ഏഷ്യന്‍ അസോസിയേറ്റഡ് റസ്റ്റിലിങ് കമ്മിറ്റിയാണ് എല്ലാ വര്‍ഷവും ചാമ്പ്യന്‍ഷിപ്പ് നടത്തുന്നത്. 1979-ലാണ് ഏഷ്യന്‍ ചാമ്പ്യന്‍ഷിപ്പ് തുടങ്ങിയത്.

ഷാര്‍ജ
ഏപ്രില്‍ 23 ആണ് യുനെസ്‌കോ ലോക പുസ്തക ദിനമായി ആചരിച്ചത്. 1995 ഏപ്രില്‍ 23-നാണ് ആദ്യമായി ഈ ദിനം ആചരിച്ചത്. ഷേക്‌സ്പിയറുടെ ചരമ ദിനമാണ് ഏപ്രില്‍ 23. 2001-ലാണ് ദിനാചരണത്തോടനുബന്ധിച്ച് പുസ്തക തലസ്ഥാനങ്ങളെ തിരഞ്ഞെടുത്ത് തുടങ്ങിയത്. മാഡ്രിഡ് ആയിരുന്നു 2001-ലെ പുസ്തക തലസ്ഥാനം. 2003-ല്‍ ന്യൂഡല്‍ഹി പുസ്തക തലസ്ഥാനമായി തിരഞ്ഞെടുക്കപ്പെട്ടിട്ടുണ്ട്.

ഭയാനകം
ജയരാജ് സംവിധാനം ചെയ്ത ഭയാനകം എന്ന ചിത്രത്തിന്റെ ഛായാഗ്രഹണം നിഖില്‍ എസ്. പ്രവീണ്‍ ആണ് നിര്‍വഹിച്ചത്. ഛായാഗ്രഹണത്തിന് നേരത്തെ ഈ ചിത്രം ദേശീയ അവാര്‍ഡും നേടിയിട്ടുണ്ട്.