പശ്ചിമ ബംഗാള്‍
കേസരി നാഥ് ത്രിപാഠി ഗവര്‍ണര്‍ പദവിയൊഴിഞ്ഞതിനെത്തുടര്‍ന്നാണ് സുപ്രിംകോടതിയിലെ മുതിര്‍ന്ന അഭിഭാഷകനും രാജസ്ഥാനിലെ ബി.ജെ.പി. എം.എല്‍.എയുമായ ജഗദീപ് ധന്‍ഖറിനെ പശ്ചിമ ബംഗാളിന്റെ ഗവര്‍ണറായി നിയമിച്ചത്. ജൂലായ് 31-ന് അദ്ദേഹം ഗവര്‍ണറായി സത്യപ്രതിജ്ഞ ചെയ്ത് അധികാരമേറ്റു.

മധ്യപ്രദേശ്
2018-ലെ സര്‍വ്വേ പ്രകാരം മധ്യപ്രദേശില്‍ 526 കടുവകളുണ്ട്. കടുവകളുടെ എണ്ണത്തില്‍ രണ്ടാം സ്ഥാനം കര്‍ണാടകത്തിനാണ്. 524 കടുവകളാണ് കര്‍ണാടകത്തിലുള്ളത്. മൂന്നാം സ്ഥാനത്തുള്ള ഉത്തരാഖണ്ഡില്‍ 442 കടുവകളുണ്ട്. സര്‍വ്വേ പ്രകാരം രാജ്യത്താകെ 2967 കടുവകളാണ് ഇപ്പോഴുള്ളത്. കേരളത്തിലെ പെരിയാര്‍ കടുവ സംരക്ഷണ കേന്ദ്രമാണ് രാജ്യത്തെ ഏറ്റവും മികച്ച കടുവ സംരക്ഷണ കേന്ദ്രം. കടുവ സംരക്ഷണം നന്നായി നടപ്പാക്കുന്ന സംസ്ഥാനം എന്ന ബഹുമതി കേരളത്തിലാണ്.

രവീഷ് കുമാര്‍
1957 മുതല്‍ നല്‍കിവരുന്ന രമണ്‍ മഗ്‌സസേ അവാര്‍ഡ് ഏഷ്യയുടെ നൊബേല്‍ എന്നാണ് അറിയപ്പെടുന്നത്. 2019-ല്‍ അഞ്ച് പേര്‍ക്കാണ് ഈ പുരസ്‌കാരം ലഭിച്ചത്. എന്‍.ഡി.ടിവിയിലെ രവീഷ് കുമാറിന് പുറമെ മ്യാന്മറില്‍നിന്നുള്ള കോ സ്വി വിന്‍, തായ്‌ലന്‍ഡില്‍നിന്നുള്ള അംഗ്ഹാന നീലാപായിജിത്, ഫിലിപ്പിന്‍സില്‍നിന്നുള്ള റേയ്മണ്ടോ പുജാന്റെ കായാബ്യാബ്, ദക്ഷിണ കൊറിയയില്‍നിന്നുള്ള കിം ജോങ് കി എന്നിവര്‍ക്കാണിത്. ഫിലിപ്പൈന്‍സ് പ്രസിഡന്റായിരുന്ന രമണ്‍ മഗ്‌സാസേയുടെ സ്മരണയ്ക്കായാണ് എല്ലാ വര്‍ഷവും പുരസ്‌കാരം നല്‍കുന്നത്.

മോസ്‌കൊ
റഷ്യയിലെ മോസ്‌കോയില്‍ ഐ.എസ്.ആര്‍.ഒയുടെ ടെക്‌നിക്കല്‍ യൂണിറ്റ് തുടങ്ങാന്‍ കേന്ദ്ര മന്ത്രിസഭയാണ് അനുമതി നല്‍കിയത്. ബഹിരാകാശ ഗവേഷണത്തില്‍ റഷ്യയുടെയും ഈ മേഖലയിലെ മറ്റ് രാജ്യങ്ങളുടെയും സഹകരണം ഉറപ്പാക്കുന്നതിനായാണ് മോസ്‌കോയില്‍ ലെയ്‌സണ്‍ യൂണിറ്റ് തുടങ്ങുന്നത്. ഐ.എസ്.ആര്‍.ഒ. വിദേശ രാജ്യങ്ങളില്‍ തുടങ്ങുന്ന മൂന്നാമത് ടെക്‌നിക്കല്‍ ലെയ്‌സണ്‍ യൂണിറ്റാണ് റഷ്യയിലേത്. ഒന്നരക്കോടി രൂപയാണ് ഒരു വര്‍ഷം ഈ യൂണിറ്റിന്റെ പ്രവര്‍ത്തന ചെലവായി കണക്കാക്കുന്നത്. അമേരിക്കയിലെ വാഷിങ്ടണിലും ഫ്രാന്‍സിലെ പാരിസിലും നിലവില്‍ ഐ.എസ്.ആര്‍.ഒയ്ക്ക് ലെയ്‌സണ്‍ യൂണിറ്റുണ്ട്.

അധിര്‍ രഞ്ജന്‍ ചൗധരി
ലോക്‌സഭയിലെ കോണ്‍ഗ്രസ് കക്ഷി നേതാവാണ് അധിര്‍ രഞ്ജന്‍ ചൗധരി. പാര്‍ലമെന്റിന്റെ പ്രധാന കമ്മറ്റികളിലൊന്നായ പബ്ലിക് അക്കൗണ്ട്‌സ് കമ്മറ്റിയില്‍ 22 അംഗങ്ങളാണ് ഉള്ളത്. കേന്ദ്ര ഗവണ്‍മെന്റിന്റെ വരവ് ചെലവ് കണക്കുകള്‍ പരിശോധിക്കാന്‍ അധികാരമുള്ള കമ്മറ്റിയാണിത്.

5000 രൂപ
മോട്ടോര്‍ വാഹന ഭേദഗതി ബില്‍ ലോക്‌സഭ ജൂലായ് 23-നും രാജ്യസഭ ജൂലായ് 31-നുമാണ് അംഗീകരിച്ചത്. ലൈസന്‍സില്ലാതെ വാഹനമോടിച്ചാല്‍ നേരത്തെ 500 രൂപയായിരുന്നു പിഴ. ഇതാണ് 5000 രൂപയാക്കിയത്. സീറ്റ് ബെല്‍റ്റ് ധരിച്ചില്ലെങ്കില്‍ 1000 രൂപയും മദ്യപിച്ച് വാഹനമോടിച്ചാല്‍ 10,000 രൂപയുമാണ് പുതുക്കിയ പിഴ. ആംബുലന്‍സ് പോലുള്ള അടയന്തര സര്‍വീസുകള്‍ക്ക് വഴിനല്‍കിയില്ലെങ്കില്‍ 10,000 രൂപ പിഴ ചുമത്തും. റോഡ് നിര്‍മാണത്തിലെ അപാകം കൊണ്ട് ഉണ്ടാവുന്ന അപകടങ്ങള്‍ക്ക് കരാറുകാരന്‍ ഒരു ലക്ഷം രൂപ പിഴയടക്കേണ്ടി വരും.

ഓസ്‌ട്രേലിയ
ഇംഗ്ലണ്ടിനെതിരെ നടന്ന മത്സരത്തില്‍ 45 റണ്‍സ് നേടിയാണ് ട്വന്റി-20 ക്രിക്കറ്റില്‍ 1000 റണ്‍സും 100 വിക്കറ്റും എന്ന റെക്കോഡ് എലീസ പെറി സ്വന്തമാക്കിയത്. പുരുഷതാരങ്ങളിലാരും ഇതിനു മുമ്പ് ഈ നേട്ടത്തിലെത്തിയിട്ടില്ല. ഓസ്‌ട്രേലിയന്‍ വനിത ടീമിലെ ഓള്‍ റൗണ്ടറാണ് എലിസ.

Protection of Children from Sexual Offences (Amendment) Bill
ഓഗസ്റ്റ് 1-നാണ് ലോകസഭ POCSO (Amendment) Bill പാസാക്കിയത്. രാജ്യസഭ നേരത്തെ ഇത് പാസാക്കിയിരുന്നു. കുട്ടികള്‍ക്കെതിരെയുള്ള ലൈംഗിക അതിക്രമക്കുറ്റങ്ങള്‍ക്ക് വധശിക്ഷ നല്‍കാന്‍ വ്യവസ്ഥയുള്ളതാണ് ബില്‍. കുട്ടികളുടെ അശ്ലീല ദൃശ്യങ്ങള്‍ പ്രചരിപ്പിക്കുന്നവര്‍ക്ക് അഞ്ച് വര്‍ഷം വരെ തടവ് ശിക്ഷ ബില്‍ വ്യവസ്ഥ ചെയ്യുന്നു. 16 വയസ്സില്‍ താഴെയുള്ളവരെയാണ് കുട്ടികളായി ബില്ലില്‍ പരിഗണിക്കുന്നത്. 16 വയസ്സില്‍ താഴെയുള്ളവര്‍ക്കെതിരെയുള്ള ലൈംഗിക പീഡനങ്ങള്‍ക്ക് ചുരുങ്ങിയത് 20 വര്‍ഷം തടവ് ശിക്ഷ ലഭിക്കും. വധശിക്ഷയാണ് പരമാവധി.

ഡോ. മുത്തുലക്ഷ്മി റെഡ്ഡി
ഡോ. മുത്തു ലക്ഷ്മിയുടെ 133-ാം ജന്മദിനമായിരുന്നു 2019 ജൂലായ് 30-ന്. 1925-ല്‍ മദ്രാസ് പ്രസിഡന്‍സി കൗണ്‍സിലിലേക്ക് ഇവര്‍ നാമ നിര്‍ദേശം ചെയ്യപ്പെടുകയായിരുന്നു. 1886-ല്‍ തമിഴ്‌നാട് പുതുക്കോട്ടയിലാണ് മുത്തു ലക്ഷ്മിയുടെ ജനനം. എല്ലാ വര്‍ഷവും ജൂലായ് 30 ആശുപത്രി ദിനമായി ആചരിക്കുമെന്ന് തമിഴ്‌നാട് സര്‍ക്കാര്‍ പ്രഖ്യാപിച്ചിട്ടുണ്ട്.

ഏഴ്
ലോക ബാങ്ക് തയ്യാറാക്കിയ 2018-ലെ ആഗോള ജി.ഡി.പി. റാങ്കിങ്ങില്‍ അമേരിക്കയാണ് ഒന്നാം സ്ഥാനത്ത്. 2017-ല്‍ ആറാം സ്ഥാനത്തുണ്ടായിരുന്ന ഇന്ത്യ ഇത്തവണ ഏഴാമതായി. ചൈനയാണ് രണ്ടാം സ്ഥാനത്ത്. ജപ്പാന്‍, ജര്‍മനി, യു.കെ., ഫ്രാന്‍സ് എന്നിവയാണ് യഥാക്രമം മൂന്ന്, നാല്, അഞ്ച്, ആറ് സ്ഥാനങ്ങളില്‍.