ഫിറോസ് ഷാ കോട്‌ല സ്‌റ്റേഡിയം
1351 മുതല്‍ 1388 വരെ ഡല്‍ഹി ഭരിച്ചിരുന്ന തുഗ്ലക് വംശ ഭരണാധികാരിയാണ് ഫിറോസ് ഷാ. ഡല്‍ഹിക്കടുത്ത് ഫിറോസാബാദ് നഗരം സ്ഥാപിച്ചത് ഇദ്ദേഹമാണ്. ഇവിടുത്തെ കോട്ടയാണ് ഫിറോസ് ഷാ കോട്‌ല. 1883-ലാണ് ഇവിടെ സ്‌റ്റേഡിയം നിര്‍മിച്ചത്. ഇന്ത്യയിലെ ഏറ്റവും പഴക്കമുള്ള രണ്ടാമത്തെ അന്താരാഷ്ട്ര ക്രിക്കറ്റ് സ്റ്റേഡിയമാണിത്. കൊല്‍ക്കത്തയിലെ ഈഡന്‍ഗാര്‍ഡനാണ് ഏറ്റവും പഴക്കമുള്ളത്.

ബിമല്‍ജലാന്‍ സമിതി
കരുതല്‍ ധനത്തില്‍നിന്ന് 1.76 ലക്ഷം കോടി രൂപയാണ് ബിമല്‍ ജലാന്‍ സമിതിയുടെ ശുപാര്‍ശയെത്തുടര്‍ന്ന് റിസര്‍വ് ബാങ്ക് കേന്ദ്ര ഗവണ്‍മെന്റിന് കൈമാറുന്നത്. റിസര്‍വ്ബാങ്കിന്റെ മുന്‍ ഗവര്‍ണറാണ് ബിമല്‍ ജലാന്‍. 2018 ഡിസംബറിലാണ് സാമ്പത്തിക മൂലധന ചട്ടകൂടിനെ വിലയിരുത്താനുള്ള സമിതിയെ റിസര്‍വ് ബാങ്ക് നിയോഗിച്ചത്.

ഉത്തരാഖണ്ഡ്
72 കാരിയായ കാഞ്ചന്‍ ചൗധരി മുംബൈയിലാണ് അന്തരിച്ചത്. ഐ.പി.എസ്. നേടുന്ന രണ്ടാമത്തെ വനിതയായിരുന്നു ഇവര്‍. പുതുച്ചേരി ഗവര്‍ണര്‍ കിരണ്‍ ബേദി ആയിരുന്നു ആദ്യത്തെ വനിത. 2004-ലാണ് കാഞ്ചന്‍ ചൗധരി ഉത്തരാഖണ്ഡിന്റെ ഡി.ജി.പിയായത്. 2014-ല്‍ വിരമിച്ചു.

എയര്‍ ഇന്ത്യ
ഒറ്റത്തവണ ഉപയോഗിക്കുന്ന പ്ലാസ്റ്റിക്ക് 2022 ആവുമ്പോഴേക്ക് ഇന്ത്യയില്‍നിന്ന് പൂര്‍ണമായി ഒഴിവാക്കണമെന്ന് പ്രധാനമന്ത്രി നരേന്ദ്രമോദി സ്വാതന്ത്ര്യദിന പ്രസംഗത്തില്‍ പ്രഖ്യാപിച്ചിരുന്നു. ഈ ലക്ഷ്യത്തിലേക്കായാണ് എയര്‍ ഇന്ത്യ ഇത്തരം ഉത്പന്നങ്ങള്‍ നിരോധിച്ചത്. പരിസ്ഥിതി സൗഹൃദ കപ്പുകള്‍, സ്പൂണുകള്‍ തുടങ്ങിയവയായിരിക്കും ഒക്ടോബര്‍ രണ്ട് മുതല്‍ എയര്‍ ഇന്ത്യ ഉപയോഗിക്കുക.

ശശി തരൂര്‍
സെപ്റ്റംബര്‍ 2-ന് പുറത്തിറങ്ങിയ ദ ഹിന്ദു വേ (The Hindu Way: An Introduction to Hinduism) ശശി തരൂരിന്റെ 2019-ലെ ആദ്യ പുസ്തകമാണ്. Why I Am A Hindu, The Paradoxical Prime Minister എന്നിവയാണ് തരൂരിന്റെ 2018-ല്‍ പുറത്തിറങ്ങിയ പുസ്തകങ്ങള്‍.

നക്ഷത്ര ആമ
നക്ഷത്ര ആമകളെ(ശാസ്ത്രീയ നാമം: Geochelone elegans) കേരളം ഉള്‍പ്പെടെയുള്ള സംസ്ഥാനങ്ങളില്‍നിന്ന് വിദേശത്തേക്ക് അനധികൃതമായി കടത്തുപ്പെടുന്നുണ്ട്. ഭാഗ്യ ചിഹ്നമായാണ് ഇവയെ കരുതുന്നത്. കണ്‍വെന്‍ഷന്‍ ഓണ്‍ ഇന്റര്‍ നാഷണല്‍ ട്രേഡ് ഇന്‍ എന്‍ഡെയിഞ്ചേഡ് സ്പീഷീസ് ഓഫ് വൈല്‍ഡ് ഫോണ ആന്‍ഡ് ഫ്‌ളോറയുടെ ജനീവയില്‍ നടന്ന സമ്മേളനമാണ്(2019 ഓഗസ്റ്റ് 17 മുതല്‍ 28 വരെ) വംശനാശം നേരിടുന്ന നക്ഷത്ര ആമകളെ സംരക്ഷിത പട്ടികയുടെ ഒന്നാം വിഭാഗത്തില്‍ ഉള്‍പ്പെടുത്താന്‍ തീരുമാനിച്ചത്. ഇതോടെ ഇവയുടെ വിപണനം കടുത്ത ശിക്ഷ ലഭിക്കുന്ന കുറ്റമായി മാറും. CITES പട്ടികയ്ക്ക് മൂന്ന് അപെന്‍ഡിക്‌സുകളാണുള്ളത്. ഇതില്‍ ഒന്നാം അപെന്‍ഡിക്‌സില്‍ ഉള്‍പ്പെടുന്നവയുടെ വ്യാപാരം പൂര്‍ണമായി തടഞ്ഞിട്ടുണ്ട്. രണ്ടും മൂന്നും അപെന്‍ഡിക്‌സില്‍ ഉള്‍പ്പെടുന്നവയെ നിയന്ത്രണ വിധേയമായി വ്യാപാരം നടത്താം. നക്ഷത്ര ആമയ്ക്ക് പുറമെ കേരളത്തില്‍ ഉള്‍പ്പെടെ കാണുന്ന നീര്‍നായയെയും അപെന്‍ഡിക്‌സ് ഒന്നില്‍ പുതുതായി ഉള്‍പ്പെടുത്തിയിട്ടുണ്ട്.

സക്കറിയ
വള്ളത്തോള്‍ സാഹിത്യ സമിതിയാണ് എല്ലാ വര്‍ഷവും വള്ളത്തോള്‍ പുരസ്‌കാരം നല്‍കുന്നത്. 1991-ല്‍ പാല നാരായണന്‍ നായര്‍ക്കാണ് ആദ്യ വള്ളത്തോള്‍ പുരസ്‌കാരം ലഭിച്ചത്. 2018-ല്‍ എം.മുകുന്ദനായിരുന്നു പുരസ്‌കാരം. 1,11,111 രൂപയാണ് പുരസ്‌കാരത്തുക. ചെറുകഥാ സാഹിത്യത്തിലെ സംഭാവനകള്‍ പരിഗണിച്ചാണ് സക്കറിയക്ക് ഈ വര്‍ഷത്തെ പുരസ്‌കാരം നല്‍കിയത്.

വനവത്കരണം
കോംപന്‍സേറ്ററി അഫോറസ്‌റ്റേഷന്‍ ഫണ്ട് മാനേജ്‌മെന്റ് ആന്‍ഡ് പ്ലാനിങ് അതോറിറ്റി എന്നാണ് ' കാംപ'യുടെ മുഴുവന്‍ രൂപം. വികസന ആവശ്യങ്ങള്‍ക്കായി വനം ഏറ്റെടുക്കുന്നതിനു പകരമായി വനവത്കരണം നടത്തുന്നതിനാണ് 47,000 കോടി രൂപ സംസ്ഥാനങ്ങള്‍ക്ക് അനുവദിച്ചിരിക്കുന്നത്. കേരളത്തിന് ഇതില്‍ 81.59 കോടി രൂപ ലഭിക്കും. കേരളത്തിനാണ് ഏറ്റവും കുറവ് ലഭിച്ചത്. 5933.98 കോടി രൂപ ലഭിച്ച ഗുജറാത്തിനാണ് ഏറ്റവും കൂടുതല്‍ തുക.

ഗസ്‌നവി
പാകിസ്താന്റെ നാഷണല്‍ ഡവലപ്‌മെന്റ് കോംപ്ലക്‌സ് നിര്‍മിച്ച ഈ മിസൈലിന്റെ മുഴുവന്‍ പേര് ഹത്ഫ് 3 ഗസ്‌നവി എന്നാണ്. ഇന്ത്യയുമായി സെപ്റ്റംബറിലോ ഒക്ടോബറിലോ പൂര്‍ണതോതില്‍ യുദ്ധമുണ്ടാവുമെന്ന് പാക് മന്ത്രി പ്രസ്താവിച്ചതിനു തൊട്ടു പിന്നാലെ നടന്ന മിസൈല്‍ പരീക്ഷണം ലോക ശ്രദ്ധനേടി. കരയില്‍നിന്ന് കരയിലേക്ക് വിക്ഷേപിക്കാവുന്ന ഈ മിസൈലിന്റെ ദൂരപരിധി 300 കിലാമീറ്റര്‍ വരെയാണ്.

മാനസി ജോഷി
ബാഡ്മിന്റണ്‍ വേള്‍ഡ് ഫെഡറേഷന്‍ 1998-ലാണ് പാരാ ബാഡ്മിന്റണ്‍ ലോക ചാമ്പ്യന്‍ഷിപ്പ് തുടങ്ങിയത്. രണ്ട് വര്‍ഷം കൂടുമ്പോഴാണ് മത്സരം സംഘടിപ്പിക്കുന്നത്. സ്വിറ്റ്‌സര്‍ലന്‍ഡിലെ ബാസലില്‍ ഓഗസ്റ്റ് 20 മുതല്‍ 25 വരെയായിരുന്നു ഇത്തവണത്തെ ചാമ്പ്യന്‍ഷിപ്പ്. പുരുഷ സിംഗിള്‍സ്(എസ്.എല്‍. 3)വിഭാഗത്തില്‍ ഇന്ത്യയുടെ പ്രമോദ് ഭഗത് സ്വര്‍ണം നേടി. വനിത സിംഗിള്‍സില്‍ ഇന്ത്യയുടെ പരുള്‍ ദാല്‍സുഖ്ഭായ് പാര്‍മര്‍ക്കാണ് വെള്ളി.