സ്വച്ഛ് ഭാരത്
സ്വച്ഛ് ഭാരത് പദ്ധതിയിലൂടെ ഇന്ത്യയുടെ ശുചിത്വം മെച്ചപ്പെടുത്താന്‍ നടത്തിയ ശ്രമങ്ങള്‍ക്കാണ് ഗ്ലോബല്‍ ഗോള്‍ കീപ്പര്‍ പുരസ്‌കാരം നരേന്ദ്ര മോദിക്ക് നല്‍കിയത്. അമേരിക്ക ആസ്ഥാനമായുള്ള ബില്‍ ആന്‍ഡ് മെലിന്‍ഡ ഗേറ്റ്‌സാണ് ഈ പുരസ്‌കാരം ഏര്‍പ്പെടുത്തിയത്. സെപ്റ്റംബര്‍ 25-ന് മൈക്രോസോഫ്റ്റ് സ്ഥാപകന്‍ ബില്‍ഗേറ്റ്‌സ് ന്യൂയോര്‍ക്കില്‍വെച്ച് മോദിക്ക് പുരസ്‌കാരം സമ്മാനിച്ചു. ബില്‍ ആന്‍ഡ് മെലിന്‍ഡ ഗേറ്റ്‌സിന്റെ ചെയ്ഞ്ച് മേക്കര്‍ പുരസ്‌കാരം രാജസ്ഥാനിലെ ഹിന്‍സ് ല സ്വദേശിനിയായ പായല്‍ ജന്‍ഗിദായ്ക്കാണ്.

ലയണല്‍ മെസ്സി
അര്‍ജന്റീനന്‍ താരമാണ് ലയണല്‍ മെസ്സി. മികച്ച വനിത താരത്തിനുള്ള പുരസ്‌കാരം അമേരിക്കയുടെ മെഗന്‍ റാപ്പിനോയ്ക്കാണ്. മികച്ച കോച്ചായി ഇംഗ്ലീഷ് ക്ലബ്ബായ ലിവര്‍പൂളിന്റെ കോച്ച് യര്‍ഗന്‍ ക്ലോപ് തിരഞ്ഞെടുക്കപ്പെട്ടു. നേരത്തെയുണ്ടായിരുന്ന ബാലണ്‍ ദ്യോര്‍ പുരസ്‌കാരത്തിന് പകരമായാണ് ഫിഫ ദി ബെസ്റ്റ് പുരസ്‌കാരം നല്‍കുന്നത്.

ക്രിസ്റ്റ്യന്‍ കോള്‍മാന്‍
പുരുഷന്മാരുടെ 100 മീറ്റര്‍ ഓട്ടം 9.76 സെക്കന്‍ഡിലാണ് അമേരിക്കയുടെ ക്രിസ്റ്റ്യന്‍ കോള്‍മാന്‍ പൂര്‍ത്തിയാക്കിയത്. അമേരിക്കയുടെ ജസ്റ്റിന്‍ ഗാറ്റ്‌ലിനാണ് വേഗത്തില്‍ രണ്ടാമന്‍. ലേഡി ബോള്‍ട്ട് എന്നറിയപ്പെടുന്ന ജമൈക്കയുടെ ഷെല്ലി ആന്‍ ഫ്രേസര്‍ പ്രൈസാണ് വനിതകളില്‍ ഏറ്റവും വേഗമേറിയ താരം. വനിതകളുടെ 100 മീറ്റര്‍ 10.71 സെക്കന്‍ഡിലാണ് ഷെല്ലി പൂര്‍ത്തിയാക്കിയത്.

നിരീശ്വരന്‍
1977-ലാണ് വയലാര്‍ രാമവര്‍മയുടെ സ്മരണയ്ക്കായി വയലാര്‍ അവാര്‍ഡ് തുടങ്ങിയത്. 1977-ലെ ആദ്യ അവാര്‍ഡ് ലളിതാംബിക അന്തര്‍ജനത്തിന്റെ അഗ്നിസാക്ഷിക്കായിരുന്നു. ഒരു ലക്ഷം രൂപയാണ് ഇപ്പോള്‍ അവാര്‍ഡ് തുക.

യു.എന്‍.
ന്യൂയോര്‍ക്കില്‍ ഐക്യരാഷ്ട്ര സംഘടനയുടെ ആസ്ഥാനത്തിന്റെ മേല്‍ക്കൂരയിലാണ് 50 കിലോവാട്ട് ശേഷിയുള്ള ഗാന്ധി സൗരോര്‍ജ പാര്‍ക്ക് സ്ഥാപിച്ചത്. യു.എന്‍.അംഗരാജ്യങ്ങളുടെ എണ്ണത്തിന് തുല്യമായി 193 പാനലുകളാണിതിനുള്ളത്. സെപ്റ്റംബര്‍ 25-ന് പ്രധാന മന്ത്രി നരേന്ദ്ര മോദി ഇത് ഉദ്ഘാടനം ചെയ്തു. ന്യൂയോര്‍ക്ക് സ്‌റ്റേറ്റ് സര്‍വകലാശാലയില്‍ 150 വൃക്ഷത്തൈകളുള്ള പീസ് ഗാര്‍ഡനും ഇതോടൊപ്പം സ്ഥാപിച്ചിട്ടുണ്ട്.

ഉള്ളി
ഉള്ളി വന്‍തോതില്‍ ഉത്പാദിപ്പിക്കുന്ന മഹാരാഷ്ട്ര, കര്‍ണാടക തുടങ്ങിയ സംസ്ഥാനങ്ങളിലും ഉത്തരേന്ത്യയിലും വെള്ളപ്പൊക്കം കാരണം ഏതാനും ആഴ്ചകളായി വിലക്കയറ്റം രൂക്ഷമായിരുന്നു. ആഭ്യന്തര വിപണിയില്‍ ആവശ്യത്തിന് ഉള്ളി ലഭ്യമാക്കാനാണ് കേന്ദ്ര വാണിജ്യ മന്ത്രാലയം പുതിയൊരു ഉത്തരവുണ്ടാകുന്നതുവരെ എല്ലാതരത്തിലുമുള്ള ഉള്ളികളുടെയും കയറ്റുമതി നിരോധിച്ചിരിക്കുന്നത്.

കാലാവസ്ഥാ വ്യതിയാനം
കാലാവസ്ഥാ വ്യതിയാനം തടയാനുള്ള നടപടികള്‍ക്ക് ലോക രാജ്യങ്ങളെ പ്രേരിപ്പിക്കാനായി സ്വീഡനില്‍ എല്ലാ വെള്ളിയാഴ്ചയും പഠിപ്പുമുടക്ക് നടത്തുന്നതിന് നേതൃത്വം നല്‍കിയത് ഗ്രെറ്റ തുന്‍ബെര്‍ഗാണ്. ഫ്രൈഡേസ് ഫോര്‍ ഫ്യൂച്ചര്‍ എന്ന സംഘടനയുടെ സ്ഥാപകയുമാണ്. യു.എന്‍. നടത്തിയ ലോക കാലാവസ്ഥാ വ്യതിയാന യുവജന ഉച്ചകോടിയില്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് അടക്കമുള്ള ലോക നേതാക്കളെ വിമര്‍ശിച്ചുകൊണ്ട് ഗ്രെറ്റ നടത്തിയ പ്രസംഗം ലോക ശ്രദ്ധ നേടിയിരുന്നു.

ഒക്ടോബര്‍ 8
87-ാമത് വ്യോമ സേനാ ദിനമാണ് 2019 ഒക്ടോബര്‍ 8-ന് ആചരിക്കുന്നത്. 1932 ഒക്ടോബര്‍ 8-നാണ് ഇന്ത്യന്‍ വ്യോമസേന രൂപവത്കരിച്ചത്. ബ്രട്ടീഷ് സാമ്രാജ്യത്തിന്റെ ഭാഗമായിരുന്ന ഈ സേനയുടെ പേര് അന്ന് റോയല്‍ ഇന്ത്യന്‍ എയര്‍ഫോഴ്‌സ് എന്നായിരുന്നു. 1950-ലാണ് ഇന്ത്യന്‍ എയര്‍ഫോഴ്‌സ് എന്ന് പേര് മാറ്റിയത്. നഭ സ്പര്‍ശം ദീപ്തം(Touch the sky with glory) എന്നാണ് ഇന്ത്യന്‍ വ്യോമസേനയുടെ ആപ്ത വാക്യം.

ദോഹ
209 രാജ്യങ്ങളില്‍നിന്നായി രണ്ടായിരത്തോളം കായിക താരങ്ങളാണ് ലോക അത്‌ലറ്റിക് ചാമ്പ്യന്‍ഷിപ്പില്‍ പങ്കെടുക്കുന്നത്. ദോഹയിലെ ഖലീഫ സ്റ്റേഡിയത്തില്‍ സെപ്റ്റംബര്‍ 27-ന് തുടങ്ങിയ മത്സരങ്ങള്‍ 10 ദിവസം നീണ്ടു നില്‍ക്കും. ഇന്ത്യയെ പ്രതിനിധീകരിച്ച് 27 അത്‌ലറ്റുകള്‍ ഇതില്‍ പങ്കെടുക്കുന്നുണ്ട്.

അമിതാബ് ബച്ചന്‍
2018-ലെ ദാദ സാഹേബ് ഫാല്‍ക്കെ പുരസ്‌കാരമാണ് 2019 സെപ്റ്റംബര്‍ 24-ന് പ്രഖ്യാപിച്ചത്. 1969-ല്‍ സാത് ഹിന്ദുസ്ഥാനിയില്‍ വേഷമിട്ട് സിനിമയില്‍ അരങ്ങേറിയ അമിതാബ് ബച്ചന്‍ നാലു തവണ ദേശീയ പുരസ്‌കാരം നേടിയിട്ടുണ്ട്. പദ്മശ്രീ, പദ്മ ഭൂഷണ്‍, പദ്മ വിഭൂഷണ്‍ പുരസ്‌കാരങ്ങളും നേടിയിട്ടുണ്ട്. ഇന്ത്യന്‍ സിനിമയുടെ പിതാവെന്നറിയപ്പെടുന്നത് ദാദ സാഹേബ് ഫാല്‍ക്കെയാണ്. 1969-ല്‍ ദേവിക റാണി റോറിച്ചാണ് ഫാല്‍ക്കെ അവാര്‍ഡ് ആദ്യമായി നേടിയത്. 10 ലക്ഷം രൂപയും സ്വര്‍ണ പതക്കവുമാണ് ഇപ്പോള്‍ അവാര്‍ഡായി നല്‍കുന്നത്.