വൈദ്യശാസ്ത്രം
ഓക്‌സിജന്റെ ലഭ്യതക്കനുസരിച്ച് കോശങ്ങളുടെ പ്രവര്‍ത്തനത്തെ നിയന്ത്രിക്കുന്ന 'മോണിക്യുലര്‍ സ്വിച്ചി'നെപ്പറ്റിയുള്ള ഗവേഷണത്തിനാണ് ഇത്തവണത്തെ വൈദ്യശാസ്ത്ര നൊബേല്‍. വില്യം കെയിലിന്‍, ഗ്രെഗ് സെമന്‍സ എന്നിവര്‍ യു.എസ്. ഗവേഷകരാണ്. പീറ്റര്‍ റാറ്റ്ക്ലിഫ് ബ്രിട്ടീഷുകാരനാണ്.

ഫ്രാന്‍സ്
പാരീസ് നഗരത്തിന്റെ മേയര്‍, രണ്ടു വട്ടം ഫ്രാന്‍സിന്റെ പ്രധാനമന്ത്രി എന്നീ പദവികളും ഷിറാക്ക് വഹിച്ചിട്ടുണ്ട്. 1995 മുതല്‍ 2007 വരെയാണ് ഫ്രാന്‍സിന്റെ പ്രസിഡന്റായത്.

ജസ്റ്റിസ് എസ്. മണികുമാര്‍
മദ്രാസ് ഹൈക്കോടതി ജഡ്ജിയായ മണികുമാറിനെ കേരള ഹൈക്കോടതി ചീഫ് ജസ്റ്റിസായി ഒക്ടോബര്‍ 3-നാണ് നിയമിച്ചത്. ഇതോടൊപ്പം മറ്റ് ആറ് ഹൈക്കോടതികളിലും പുതിയ ചീഫ് ജസ്റ്റിസുമാരെ നിയമിച്ചിട്ടുണ്ട്. എല്‍. നാരായണ സ്വാമി(ഹിമാചല്‍പ്രദേശ്), രവിശങ്കര്‍ ഝാ(പഞ്ചാബ്-ഹരിയാന), ഇന്ദ്രജിത്ത് മഹന്തി(രാജസ്ഥാന്‍), ജസ്റ്റിസ് കെ.കെ. മഹേശ്വരി(ആന്ധ്രപ്രദേശ്), ജസ്റ്റിസ് അരൂപ് ഗോസ്വാമി(സിക്കിം), ജസ്റ്റിസ് അജയ് ലാംബ(ഗുവാഹാട്ടി) എന്നിവരാണ് പുതുതായി നിയമിക്കപ്പെട്ട മറ്റ് ചീഫ് ജസ്റ്റിസുമാര്‍.

ഒന്ന്
2016-17 അധ്യയന വര്‍ഷത്തെ കണക്കുകളുടെ അടിസ്ഥാനത്തില്‍ കേന്ദ്ര മാനവ ശേഷി മന്ത്രാലയം ലോകബാങ്കിന്റെ സഹകരണത്തോടെ തയ്യാറാക്കിയതാണ് സ്‌കൂള്‍ ഗുണനിലവാര സൂചിക. സമഗ്ര വിഭാഗത്തില്‍ വലിയ സംസ്ഥാനങ്ങളുടെ ഗണത്തില്‍ 76.6 ശതമാനം സ്‌കോര്‍ നേടിയാണ് കേരളം ഒന്നാം സ്ഥാനത്തെത്തിയത്. രാജസ്ഥാന്‍ രണ്ടാം സ്ഥാനവും കര്‍ണാടക മൂന്നാം സ്ഥാനവും നേടി.

അരുണാചല്‍പ്രദേശ്
അരുണാചല്‍പ്രദേശില്‍ നിയന്ത്രണ രേഖയ്ക്ക് 100 കിലോമീറ്ററിനടുത്താണ് പരിശീലനം നടക്കുന്നത്. 4000 സേനാംഗങ്ങളടങ്ങുന്ന മുന്ന് ഗ്രൂപ്പുകളാണ് പരിശീലനത്തില്‍ പങ്കെടുക്കുന്നത്. ഒക്ടോബര്‍ 7-ന് തുടങ്ങിയ ആദ്യഘട്ടം 10-ന് അവസാനിക്കും. രണ്ടാം ഘട്ടം ഒക്ടോബര്‍ 20-ന് തുടങ്ങി 24-ന് അവസാനിക്കും.

വ്യോമസേന
ഇന്ത്യന്‍ എയര്‍ഫോഴ്‌സിന്റെ 26-മാത് തലവനാണ് രാകേഷ്‌കുമാര്‍ സിങ് ബദൗരിയ. ബി.എസ്. ധനോവ വിരമിച്ച ഒഴിവില്‍ സെപ്റ്റംബര്‍ 30-നാണ് ബദൗരിയ ചുമതലയേറ്റത്.

തേജസ്
ഐ.ആര്‍.സി.ടി.സിയുടെ തേജസ് തീവണ്ടി ഒക്ടോബര്‍ നാലിനാണ് സര്‍വീസ് തുടങ്ങിയത്. ലഖ്‌നൗ-ന്യൂഡല്‍ഹി റൂട്ടിലാണ് ഈ സ്വകാര്യ തീവണ്ടി സര്‍വീസ് നടത്തുന്നത്. സ്വകാര്യമേഖലയില്‍ 150 തീവണ്ടികള്‍ അനുവദിക്കാന്‍ റെയില്‍വേ ബോഡ് തീരുമാനിച്ചിട്ടുണ്ട്.

ഒക്ടോബര്‍ 4-10
ലോകത്തെ 80 രാജ്യങ്ങള്‍ ബഹിരാകാശ വാരാചരണത്തില്‍ പങ്കെടുക്കുന്നുണ്ട്. The Moon: Gateway to the stars എന്നതായിരുന്നു ഈ വര്‍ഷത്തെ വാരാചരണത്തിന്റെ തീം. 1957 ഒക്ടോബര്‍ 4-നാണ് ഈ വാരാചരണം തുടങ്ങിയത്. ആദ്യ കൃത്രിമോപഗ്രഹമായ സ്ഫുട്‌നിക് 1 വിക്ഷേപിച്ചതിന്റെ ഓര്‍മയ്ക്കായാണ് ഒക്ടോബര്‍ നാലിന് വാരാചരണം തുടങ്ങുന്നത്.

ചൈന
1949 ഒക്ടോബര്‍ ഒന്നിനാണ് മാവോ സേതുങ് ചൈനീസ് റിപ്പബ്ലിക് സ്ഥാപിക്കപ്പെട്ടതായി പ്രഖ്യാപിച്ചത്. ചൈനയുടെ അര്‍ധ സ്വയംഭരണ മേഖലയായ ഹോങ്കോങില്‍ സ്വാതന്ത്ര്യ പ്രക്ഷോഭം ശക്തമാവുന്നതിനിടെയായിരുന്നു എഴുപതാം പിറന്നാള്‍ ആഘോഷം.

ഇസ്രായേല്‍
ഇസ്രായേലി എയര്‍ലൈനാണ് അര്‍കിയ. സെപ്റ്റംബര്‍ 28-നാണ് കൊച്ചിക്കും ഇസ്രായേലിലെ ടെല്‍ അവീവിനുമിടയില്‍ അര്‍കിയ ആദ്യ സര്‍വീസ് നടത്തിയത്. ആഴ്ചയില്‍ രണ്ട് ദിവസമാണ് സര്‍വീസ്.