150
1869 നവംബര്‍ 17-നാണ് സൂയസ് കനാല്‍ ഗതാഗതത്തിന് തുറന്നുകൊടുത്തത്. 164 കിലോമീറ്ററായിരുന്നു അന്നത്തെ നീളം. ഇപ്പോള്‍ 193 കിലോമീറ്റര്‍ നീളവും 24 മീറ്റര്‍ ആഴവുമുണ്ട്. യൂറോപ്പിലെ മെഡിറ്ററേനിയന്‍ കടലിനെ ചെങ്കടല്‍ വഴി ഇന്ത്യന്‍ മഹാസമുദ്രവുമായി ബന്ധിപ്പിക്കുന്ന കപ്പല്‍ പാതയാണ് സൂയസ് കനാല്‍.

സരിത ദേവി
2020-ലെ ഒളിമ്പിക് ഗെയിംസില്‍ ബോക്‌സിങ് സംഘാടനത്തിനുള്ള മാര്‍ഗനിര്‍ദേശങ്ങള്‍ തയ്യാറാക്കുന്നതിനുള്ള കമ്മിഷനാണിത്. ഏഷ്യ, ഓഷ്യാനിയ, ആഫ്രിക്ക, അമേരിക്ക, യൂറോപ്പ് മേഖലകളില്‍നിന്നായി രണ്ട് വീതം ബോക്‌സര്‍മാരെയാണ് കമ്മിഷനിലേക്ക് തിരഞ്ഞെടുക്കുന്നത്. ഒരു വനിതാ താരവും ഒരു പുരുഷ താരവും എന്നരീതിയിലാണ് തിരഞ്ഞെടുപ്പ്. ഏഷ്യയില്‍നിന്നുള്ള വനിത ബോക്‌സറായാണ് കമ്മിഷനിലേക്ക് സരിതാ ദേവിയെ എതിരില്ലാതെ തിരഞ്ഞെടുത്തിരിക്കുന്നത്.

ടോയ്‌ലറ്റ് ദിനം
യു.എന്നിന്റെ നേതൃത്വത്തില്‍ നവംബര്‍ 19-നാണ് ലോക ടോയ്‌ലറ്റ് ദിനം ആചരിച്ചത്. ലോക ജനസംഖ്യയുടെ പകുതിയോളം പേര്‍ക്ക് ശുചിയായ വിസര്‍ജന കേന്ദ്രം ഇപ്പോഴും ലഭ്യമല്ലെന്നാണ് ദിനാചരണത്തോടനുബന്ധിച്ചു പുറത്തുവന്ന കണക്കുകള്‍ വ്യക്തമാക്കുന്നത്. ലോകത്താകെ 673 ദശലക്ഷം പേര്‍ വെളിയിട വിസര്‍ജനം നടത്തുന്നുണ്ട്.

നേപ്പാള്‍
കേന്ദ്ര ഭരണ പ്രദേശങ്ങളായ ജമ്മുകശ്മീരും ലഡാക്കും അടയാളപ്പെടുത്തി കേന്ദ്ര ഗവണ്‍മെന്റ് പുതിയ മാപ്പ് പുറത്തിറക്കിയതിനു പിന്നാലെയാണ് അതിര്‍ത്തി തര്‍ക്കമുടലെടുത്തത്. കാലാപാനിയില്‍നിന്ന് ഇന്ത്യ സൈന്യത്തെ പിന്‍വലിക്കണമെന്നും അത് തങ്ങളുടെ രാജ്യത്തിന്റെ ഭാഗമാണെന്നും അവകാശപ്പെട്ട് നേപ്പാള്‍ പ്രധാനമന്ത്രി കെ.പി.ശര്‍മ ഒലി തന്നെ രംഗത്തെത്തുകയായിരുന്നു.

ഭോപ്പാല്‍ വാതക ദുരന്തം
1984-ലെ ഭോപ്പാല്‍ വാതക ദുരന്തത്തിന്റെ ഇരകള്‍ക്കായി സമരം ചെയ്ത സാമൂഹിക പ്രവര്‍ത്തകനാണ് അബ്ദുള്‍ ജബ്ബാര്‍. 1984-ലെ ദുരന്തത്തില്‍ മാതാപിതാക്കളെ നഷ്ടപ്പെട്ട ജബ്ബാറിനും ഗുരുതര പരിക്കേറ്റിരുന്നു. 1987-ല്‍ ഇരകളെ സംഘടിപ്പിച്ച് ഭോപ്പാല്‍ ഗ്യാസ് പീഡിത് മഹിളാ ഉദ്യോഗ് സംഘതന്‍ എന്ന സംഘടന രൂപവത്കരിച്ച് നീതിക്കായി പോരാടി.

ഗോതാബയ രാജപക്‌സെ
ശ്രീലങ്കന്‍ പ്രസിഡന്റായി തിരഞ്ഞെടുക്കപ്പെട്ട ഗോതാബയ രാജപക്‌സെ ശ്രീലങ്കയുടെ മുന്‍ പ്രതിരോധസെക്രട്ടറിയാണ്. മുന്‍ പ്രസിഡന്റ് മഹിന്ദ രാജപക്‌സെയുടെ സഹോദരനുമാണ് അദ്ദേഹം. ശ്രീലങ്ക പൊതുജന പെരുമന പാര്‍ട്ടിയുടെ സ്ഥാനാര്‍ഥിയായി മത്സരിച്ച ഗോതാബയ 52 ശതമാനത്തോളം വോട്ട് നേടി.

ഒരു ചതുരശ്ര മീറ്ററിന് 25 ലിറ്റര്‍
പുതിയ കെട്ടിട നിര്‍മാണച്ചട്ടം 2019 നവംബറിലാണ് പ്രാബല്യത്തില്‍ വന്നത്. ഇതു പ്രകാരം എല്ലാ കെട്ടിടങ്ങള്‍ക്കും മഴവെള്ള സംഭരണി നിര്‍ബന്ധമാക്കി. വീടുകള്‍ക്ക് ഒരു ചതുരശ്രമീറ്ററിന് 25 ലിറ്ററും വാണിജ്യകെട്ടിടങ്ങള്‍ക്ക് ഒരു ചതുരശ്ര മീറ്ററിന് 50 ലിറ്ററുമാണ് മഴവെള്ള സംഭരണി വേണ്ടത്. പുതുതായി നിര്‍മിക്കുന്ന കെട്ടിടം 1000 ചതുരശ്ര മീറ്റര്‍ വരെയുള്ളതാണെങ്കില്‍ അഗ്നിസുരക്ഷാ സേനയുടെ എതിര്‍പ്പില്ലാ രേഖ ആവശ്യമില്ല.

47
2019 നവംബര്‍ 18-നാണ് ഇന്ത്യയുടെ 47-ാമത് ചീഫ് ജസ്റ്റിസായി എസ്.എ.ബോബ്‌ഡെ സ്ഥാനമേറ്റത്. ചീഫ് ജസ്റ്റിസായിരുന്ന രഞ്ജന്‍ ഗൊഗോയി വിരമിച്ച ഒഴിവിലായിരുന്നു പുതിയ നിയമനം. 2021 വരെ ബോബ്ഡേയ്ക്ക് ഈ പദവിയിൽ കാലാവധിയുണ്ട്.

ബിഹാര്‍
ഗ്രാമീണ മേഖലയിലെ ചെറുകിട കര്‍ഷകര്‍ക്കായി ചെറിയ തുകയ്ക്ക് പാല്‍ ശീതീകരണ സംവിധാനം വികസിപ്പിച്ചതിനാണ് ബിഹാര്‍ സ്വദേശിയായ രവി പ്രകാശ് ബ്രിക്‌സ് യങ് ഇനവേറ്റര്‍ പുരസ്‌കാരം നേടിയത്. 25000 ഡോളറാണ്(18.03 ലക്ഷം രൂപ) പുരസ്‌കാരത്തുക. ബ്രിക്‌സ് രാജ്യങ്ങളിലെ യുവശാസ്ത്രജ്ഞരെ പ്രോത്സാഹിപ്പിക്കുന്നതിനാ‌ണ് ഈ പുരസ്‌കാരം നല്‍കിവരുന്നത്.

50-ാമത്
ഇന്ത്യയുടെ അന്താരാഷ്ട്ര ചലച്ചിത്രമേളയുടെ സ്ഥിരം വേദിയായ ഗോവയിലെ പനാജിയില്‍ നവംബര്‍ 20 മുതല്‍ 28 വരെയാണ് ഇത്തവണത്തെ ചലച്ചിത്രമേള. സുവര്‍ണജൂബിലിയോടനുബന്ധിച്ചുള്ള ഐക്കണ്‍ പുരസ്‌കാരം രജനികാന്തിനാണ്. 1952-ല്‍ മുംബൈയിലാണ് ആദ്യ മേള നടന്നത്.