കര്‍ഷക ദിനം
ഇന്ത്യയുടെ അഞ്ചാമത് പ്രധാനമന്ത്രിയാണ് ചൗധരി ചരണ്‍സിങ്. 1979 ജൂലായ് മുതല്‍ 1980 ജനുവരി വരെയായിരുന്നു ചരണ്‍സിങ് ഇന്ത്യയുടെ പ്രധാനമന്ത്രിയായത്. 2001 മുതലാണ് അദ്ദേഹത്തിന്റെ ജന്മദിനമായ ഡിസംബര്‍ 23 കര്‍ഷക ദിനമായി ആചരിക്കാന്‍ തുടങ്ങിയത്.

ഹര്‍ഷ് വര്‍ധന്‍ ശൃംഗ്‌ല
അമേരിക്കയിലെ ഇന്ത്യന്‍ സ്ഥാനപതിയായി പ്രവര്‍ത്തിച്ചുവരുന്ന ഹര്‍ഷ് ശൃംഗ്‌ലയെ 2019 -ഡിസംബര്‍ 23-നാണ് കേന്ദ്ര ഗവണ്‍മെന്റ് പുതിയ വിദേശകാര്യ സെക്രട്ടറിയായി നിയമിച്ചത്. ജനുവരി 29-ന് ചുമതലയേല്‍ക്കും. നിലവിലെ വിദേശകാര്യ സെക്രട്ടറി വിജയ് കേശവ് ഗോഖലെ അതുവരെ തുടരും.

എസ്. രാമാനുജന്‍
ശ്രീനിവാസ രാമാനുജന്റെ ജന്മദിനമായ ഡിസംബര്‍ 22 ആണ് ദേശീയ ഗണിത ശാസ്ത്ര ദിനം. 2019 ഡിസംബര്‍ 22 അദ്ദേഹത്തിന്റെ 132-ാം ജന്മദിനമായിരുന്നു. 1887 ഡിസംബര്‍ 22-ന് തമിഴ്‌നാട്ടിലെ ഈറോട് ആണ് രാമാനുജന്‍ ജനിച്ചത്. 2012 മുതലാണ് ഡിസംബര്‍ 22 ദേശീയ ഗണിതശാസ്ത്ര ദിനമായി ആചരിച്ചു തുടങ്ങിയത്. ദേശീയ ഗണിതശാസ്ത്ര വര്‍ഷം കൂടിയായിരുന്നു 2012.

ദാവോസ്
2020 ജനുവരി 21 മുതല്‍ 24 വരെയാണ് ലോക സാമ്പത്തിക ഫോറത്തിന്റെ 50-ാമത് വാര്‍ഷിക ഉച്ചകോടി നടക്കുന്നത്. സ്വിറ്റ്‌സര്‍ലന്‍ഡിലെ പ്രമുഖ നഗരമാണ് ദാവോസ്. ലോക നേതാക്കളും മന്ത്രിമാരുമടക്കം മൂവായിരത്തിലധികം പേര്‍ ഈ ഉച്ചകോടിയില്‍ പങ്കെടുക്കും. സുസ്ഥിര വികസനവുമായി ബന്ധപ്പെട്ട ദാവോസ് മാനിഫെസ്റ്റോ 2020-ന് ഈ ഉച്ചകോടിയില്‍ രൂപം നല്‍കുമെന്നാണ് പ്രതീക്ഷ.

ലിവര്‍പൂള്‍
ദോഹയില്‍ 2019 ഡിസംബര്‍ 21-ന് നടന്ന ഫൈനലില്‍ ബ്രസീലിയന്‍ ടീമായ ഫ്ളമെംഗോയെ പരാജയപ്പെടുത്തിയാണ് ഇംഗ്ലീഷ് ക്ലബ്ബായ ലിവര്‍ പൂള്‍ ലോക ചാമ്പ്യനായത്. ഫിഫ ക്ലബ്ബ് ഫുട്‌ബോളില്‍ ലിവര്‍പൂളിന്റെ ആദ്യ കിരീട നേട്ടമാണിത്.

ക്യൂബ
1959 മുതല്‍ 1976 വരെ ഫിദല്‍ കാസ്‌ട്രോ ആയിരുന്നു ക്യൂബയുടെ പ്രധാനമന്ത്രി. തുടര്‍ന്ന് അദ്ദേഹം പ്രസിഡന്റ് പദവിയിലേക്ക് മാറുകയും പ്രധാനമന്ത്രി പദവി എടുത്തുകളയുകയും ചെയ്തു. ഇപ്പോള്‍ ഈ പദവി തിരിച്ചുകൊണ്ടുവന്നിരിക്കയാണ് ക്യൂബ. ടൂറിസം മന്ത്രി മാനുവല്‍ മറീരോ ക്രൂസാണ് ക്യൂബയുടെ പുതിയ പ്രധാനമന്ത്രി.

അമിതാഭ് ബാഗ്ച്ചി
ഇന്ത്യന്‍ ഇംഗ്ലീഷ് എഴുത്തുകാരനായ അമിതാഭ് ബാഗ്ചിയുടെ ഹാഫ് ദ നൈറ്റ് ഈസ് ഗോണ്‍ എന്ന നോവലിനാണ് പുരസ്‌കാരം. 25,000 യു.എസ്.ഡോളറാണ് (ഏകദേശം 17.7 ലക്ഷം രൂപ) പുരസ്‌കാരത്തുക. ഡല്‍ഹി ഐ.ഐ.ടി. അധ്യാപകനാണ് ബാഗ്ചി. നേപ്പാളില്‍ വെച്ചായിരുന്നു ഇത്തവണത്തെ ഡി.എസ്.സി. സാഹിത്യോത്സവം.

വി.എം.ഗിരിജ
വി.എം ഗിരിജയുടെ ബുദ്ധ പൂര്‍ണിമ എന്ന കവിതയ്ക്കാണ് പുരസ്‌കാരം. മികച്ച നോവലിനുള്ള പുരസ്‌കാരം കെ.വി. മോഹന്‍കുമാറിന്റെ ഉഷ്ണ രാശിക്കും മികച്ച ചെറുകഥയ്ക്കുള്ള പുരസ്‌കാരം കെ.രേഖയുടെ മാനാഞ്ചിറയ്ക്കും ലഭിച്ചു. എം. മുകുന്ദന്‍, കെ.ജി.ശങ്കരപ്പിള്ള എന്നിവര്‍ക്ക് വിശിഷ്ടാംഗത്വവും സ്‌കറിയ സക്കറിയ, ഒ.എം.അനുജന്‍, എസ്. രാജശേഖരന്‍, മണമ്പൂര്‍ രാജന്‍ബാബു, നളിനി ബേക്കല്‍ എന്നിവര്‍ക്ക് സമഗ്ര സംഭാവനയ്ക്കുള്ള പുരസ്‌കാരവും ലഭിച്ചു.

ഇംഗ്ലീഷ്
ആന്‍ ഇറ ഓഫ് ഡാര്‍ക്‌നസ് എന്ന ലേഖന സമാഹാരത്തിനാണ് ശശി തരൂരിന് 2019-ല്‍ കേന്ദ്ര സാഹിത്യ അക്കാദമി അവാര്‍ഡ് ലഭിച്ചത്. മലയാളത്തിലെ അവാര്‍ഡ് വി.മധുസൂദനന്‍ നായര്‍ക്കാണ്. അച്ഛന്‍ പിറന്ന വീട് എന്ന കവിതാ സമാഹാരത്തിനായിരുന്നു പുരസ്‌കാരം.

മാതൃഭൂമി സാഹിത്യ പുരസ്‌കാരം
മൂന്ന് ലക്ഷം രൂപയാണ് മാതൃഭൂമി സാഹിത്യ പുര്‌സാകരത്തുക. നേരത്തെ ഇത് രണ്ട് ലക്ഷം രൂപയായിരുന്നു. 2019-ല്‍ മാതൃഭൂമി പുരസ്‌കാരം നേടിയത് യു.എ.ഖാദറാണ്. ഏറ്റവും ഉയര്‍ന്ന പുരസ്‌കാരത്തുകയുള്ള മലായാള സാഹിത്യ പുരസ്‌കാരം സംസ്ഥാന സര്‍ക്കാര്‍ നല്‍കുന്ന എഴുത്തച്ഛന്‍ പുരസ്‌കാരമാണ്. 5 ലക്ഷം രൂപയാണ് ഇതിന്റെ സമ്മാനത്തുക. 2019-ലെ എഴുത്തച്ഛന്‍ പുരസ്‌കാരം നേടിയത് ആനന്ദ് ആണ്.