ഇറാഖ്
ഇറാഖിന്റെ മുന്‍ വാര്‍ത്താ വിതരണ വകുപ്പ് മന്ത്രിയാണ് മുഹമ്മദ് അല്ലാവി. ബര്‍ഹാം സാലിയാണ് ഇറാഖിന്റെ ഇപ്പോഴത്തെ പ്രസിഡന്റ്.

മേഘാലയ
ഇന്ത്യയുടെയും ബംഗ്ലാദേശിന്റെയും കരസേനകള്‍ സംയുക്തമായി എല്ലാ വര്‍ഷവും നടത്തി വരുന്ന സൈനിക പരിശീലനമാണ് സംപ്രീതി. ഇതിന്റെ ഒമ്പതാം പതിപ്പാണ് 2020 ഫെബ്രുവരി മൂന്ന് മുതല്‍ നടക്കുന്നത്. രണ്ടാഴ്ച നീളുന്നതാണ് പരിശീലനം. മേഘാലയയിലെ ഉംറോയാണ് പരിശീലന വേദി.

വെട്ടുകിളിയുടെ ആക്രമണം
കാര്‍ഷിക വിളകളെ ആക്രമിക്കുന്ന വെട്ടുകിളികളുടെ വന്‍തോതിലുള്ള പെരുകലിനെ നേരിടാനാണ് പാകിസ്താന്‍ ദേശീയ അടിയന്തരാവസ്ഥ പ്രഖ്യാപിച്ചിരിക്കുന്നത്. കൂട്ടമായെത്തുന്ന ഈ പക്ഷികള്‍ ഇപ്പോള്‍ ഇന്ത്യ-പാക് അതിര്‍ത്തിയിലാണ് കേന്ദ്രീകരിച്ചിരിക്കുന്നത്. എണ്ണക്കുരുക്കള്‍ ഉത്പാദിപ്പിക്കുന്ന മേഖലയിലാണ് ഇവയുടെ ആക്രമണം കൂടുതലായി ഉണ്ടാവുന്നത്. 150 കിലോമീറ്റവരെ സഞ്ചരിക്കാന്‍ ശേഷിയുള്ള ഇവ സമീപ ദിവസങ്ങളില്‍ ഇറാനിലേക്ക് നീങ്ങുമെന്നാണ് കരുതുന്നത്. ഒരു ചെറിയ കൂട്ടം വെട്ടുകിളിതന്നെ 35,000 പേരുടെ ഭക്ഷണം ഒരു ദിവസം കഴിക്കുമെന്നാണ് കണക്ക്.

വിനോദ് കുമാര്‍ ശുക്ല
പ്രമുഖ ഹിന്ദി കവിയും നോവലിസ്റ്റുമാണ് വിനോദ് കുമാര്‍ ശുക്ല. ബ്ലൂ ഈസ് ലൈക്ക് ബ്ലൂ എന്ന കഥാസമാഹാരത്തിനാണ് മാതൃഭൂമി ബുക്ക് ഓഫ് ദ ഇയര്‍ പുരസ്‌കാരം ലഭിച്ചത്. അഞ്ച് ലക്ഷം രൂപയും പ്രശസ്തി പത്രവും ശില്പവുമാണ് പുരസ്‌കാരം. ഇന്ത്യന്‍ സാഹിത്യത്തിലെ മികച്ച രചനകളെ ആദരിക്കുന്നതിനായാണ് 2020 മുതല്‍ മാതൃഭൂമി ബുക്ക് ഓഫ് ദി ഇയര്‍ പുരസ്‌കാരം നല്‍കുന്നത്.

2020 ജനുവരി 31
47 വര്‍ഷത്തെ ബന്ധം അവസാനിപ്പിച്ചാണ് 2020 ജനുവരി 31-ന് ബ്രിട്ടന്‍ യൂറോപ്യന്‍ യൂണിയനില്‍നിന്ന് പുറത്തു വന്നത്. ഇതോടെ യൂറോപ്യന്‍ യൂണിയനിലെ അംഗരാജ്യങ്ങളുടെ എണ്ണം 27 ആയി ചുരുങ്ങി. വിടുതല്‍ നടപടികള്‍ 2020 ഡിസംബര്‍ 31 ഓടെയാണ് പൂര്‍ത്തിയാവുക. ബ്രെക്‌സിറ്റ് എന്ന പേരിലാണ് യൂറോപ്യന്‍ യൂണിയനില്‍നിന്ന് ബ്രിട്ടന്റെ പുറത്തുകടക്കല്‍ നടപടികള്‍ അറിയപ്പെടുന്നത്.

അസംബിള്‍ ഇന്‍ ഇന്ത്യ
ഇന്ത്യന്‍ സമ്പദ്ഘടനയെ 5 ട്രില്യണ്‍ യു.എസ്.ഡോളറിന്റേതാക്കി ഉയര്‍ത്താനാണ് കേന്ദ്ര സര്‍ക്കാര്‍ ലക്ഷ്യമിടുന്നത്. മേക്ക് ഇന്‍ ഇന്ത്യ പദ്ധതിയുമായി ചേര്‍ന്നാണ് അസംബിള്‍ ഇന്‍ ഇന്ത്യ പദ്ധതി നടപ്പാക്കുന്നത്. 2025 ആകുമ്പോഴേക്ക് കറ്റുമതിയില്‍ ഇന്ത്യയുടെ വിഹിതം 3.5 ശതമാനമായി ഉയര്‍ത്താനാണ് ലക്ഷ്യം. നിലവില്‍ ലോക വ്യാപാരത്തിന്റെ രണ്ട് ശതമാനമാണ് ഇന്ത്യയുടെ വിഹിതം.

നൊവാക് ജോക്കോവിച്ച്
മെല്‍ബണില്‍ ജനുവരി 2-ന് നടന്ന ഫൈനലില്‍ ഓസ്ട്രിയയുടെ ഡൊമനിക് തീമിനെ പരാജയപ്പെടുത്തിയാണ് സെര്‍ബിയയുടെ ജോക്കോവിച്ച് കിരീടം നേടിയത്. ഓസ്‌ട്രേലിയന്‍ ഓപ്പണില്‍ ജോക്കോവിച്ചിന്റെ എട്ടാം കിരീട നേട്ടമാണിത്. വനിത സിംഗിള്‍സ് കിരീടം അമേരിക്കയുടെ സോഫിയ കെനിനാണ്.

ഉത്കര്‍ഷേച്ഛ, സാമ്പത്തിക വികസനം, കരുതല്‍
ഉത്കര്‍ഷേച്ഛയുള്ള ഇന്ത്യ, സാമ്പത്തിക വികസനം, സാമൂഹ്യ കരുതല്‍ എന്നിവയാണ് ഇത്തവണത്തെ കേന്ദ്ര ബജറ്റിലെ എല്ലാ പദ്ധതികളുടെയും അടിസ്ഥാന കാഴ്ചപ്പാട്. ഫെബ്രുവരി 1-ന് ധനമന്ത്രി നിര്‍മല സീതാരാമനാണ് 2020-ലെ കേന്ദ്ര ബജറ്റ് അവതരിപ്പിച്ചത്. ഇന്ത്യ ലോകത്തെ അഞ്ചാമത്തെ സാമ്പത്തിക ശക്തിയായെന്ന് ബജറ്റ് അവകാശപ്പെടുന്നു. കശ്മിരി കവി പണ്ഡിറ്റ് ദീനനാഥ് കൗളിന്റെ കവിതയിലെ വരികള്‍ ഉദ്ധരിച്ചുകൊണ്ടായിരുന്നു ധനമന്ത്രിയുടെ ബജറ്റ് പ്രസംഗം തുടങ്ങിയത്. 2 മണിക്കൂറും 40 മിനുട്ടും നീണ്ട ബജറ്റവതരണം ഏറ്റവും നീണ്ട ബജറ്റവതരണം എന്ന റെക്കോഡ് സ്വന്തമാക്കി.

250
നിലവില്‍ പ്രവാസി ഭാരതീയനായി പരിഗണിക്കുന്നത് 182 ദിവസം വിദേശത്ത് താമസിക്കുന്ന ഇന്ത്യന്‍ പൗരനെയാണ്. വിദേശത്ത് താമസിക്കുന്നവര്‍ക്ക് നികുതി ഏര്‍പ്പെടുത്തുന്നതിന്റെ ഭാഗമായാണ് പുതിയ നിര്‍ദേശം.

ഗോവ
ഗോവയില്‍ 2020 ഒക്ടോബര്‍ 20 മുതല്‍ നവംബര്‍ ആറു വരെയാണ് 36-ാമത് ദേശീയ ഗെയിംസ്. ഗെയിംസിന്റെ ഭാഗ്യ ചിഹ്നമായി ഗോവയുടെ സംസ്ഥാന പക്ഷിയായ ഫ്ലെയിം ത്രോട്ടട് ബുള്‍ബുളിനെ പ്രഖ്യാപിച്ചു. റൂബി ഗുല എന്നാണ് ഇത് അറിയപ്പെടുക. 35-ാമത് ദേശീയ ഗെയിസ് 2015-ല്‍ കേരളത്തില്‍ വെച്ചായിരുന്നു.