ബംഗ്ലാദേശ്
ദക്ഷിണാഫ്രിക്കയില പോച്ചെഫ്ട്രൂമില്‍ ഫെബ്രുവരി 9-ന് നടന്ന ഫൈനലില്‍ ഇന്ത്യയെ മൂന്ന് വിക്കറ്റിന് പരാജയപ്പെടുത്തിയാണ് ബംഗ്ലാദേശ് കിരീടം നേടിയത്. ബംഗ്ലാദേശിന്റെ ആദ്യ ലോക കിരീടമാണിത്. ഇന്ത്യയുടെ യശസ്വി ജയ്‌സ്വാളാണ് ടൂര്‍ണമെന്റിലെ താരം.

ആഫ്രിക്കന്‍ യൂണിയന്‍
55 രാജ്യങ്ങളാണ് ആഫ്രിക്കന്‍ യൂണിയനിലുള്ളത്. ആഡിസ് അബാബയും ജോഹന്നസ്ബര്‍ഗുമാണ് യൂണിയന്റെ ആസ്ഥാനങ്ങള്‍. യൂണിയന്റെ ഇത്തവണത്തെ സമ്മേളനം എത്യോപ്യയുടെ തലസ്ഥാനമായ ആഡിസ് അബാബയിലായിരുന്നു. യൂണിയനിലെ 50 രാജ്യങ്ങളുമായി 2020-ല്‍ ഇന്ത്യ പ്രതിരോധ സഹകരണ കരാര്‍ ഒപ്പുവെച്ചിട്ടുണ്ട്. ലക്‌നൗ ഡിക്ലറേഷന്‍ എന്നാണ് ഇത് അറിയപ്പെടുന്നത്.

ദക്ഷിണ കൊറിയ
92-ാം അക്കാദമി അവാര്‍ഡ് ലോസ് ആഞ്ജലീസില്‍ 2020 ജനുവരി 10-നാണ് പ്രഖ്യാപിച്ചത്. മികച്ച സിനിമ, മികച്ച അന്താരാഷ്ട്ര സിനിമ, മികച്ച സംവിധായകന്‍, മികച്ച തിരക്കഥ എന്നിവയ്ക്കുള്ള അവാര്‍ഡുകളാണ് പാരസൈറ്റ് സ്വന്തമാക്കിയത്. ബോന്‍ യൂന്‍ ഹോയാണ് ഈ സിനിമയുടെ സംവിധായകന്‍. മികച്ച സിനിമ, മികച്ച അന്താരാഷ്ട്ര സിനിമ എന്നിവയ്ക്കുള്ള ഓസ്‌കര്‍ പുരസ്‌കാരം ഒന്നിച്ചു നേടിയ ആദ്യ സിനിമയാണ് പാരസൈറ്റ്. വാക്കിന്‍ ഫീനിക്‌സ് മികച്ച നടനുള്ള പുരസ്‌കാരവും റെനെയ് സെല്‍വെഗര്‍ മികച്ച നടിക്കുള്ള പുരസ്‌കാരവും നേടി.

മൂന്ന്
പുതുച്ചേരി, ഡല്‍ഹി, ജമ്മു കശ്മിര്‍ എന്നിവയാണ് നിയമസഭയുള്ള കേന്ദ്ര ഭരണ പ്രദേശങ്ങള്‍. ഇതില്‍ ഡല്‍ഹി നിയമ സഭയിലേക്കുള്ള തിരഞ്ഞെടുപ്പാണ് 2020 ഫെബ്രുവരി 8-ന് നടന്നത്. നിയമ സഭയ്ക്ക് അംഗീകാരമുണ്ടെങ്കിലും ജമ്മു കശ്മിര്‍ നിയമ സഭ നിലവില്‍ വന്നിട്ടില്ല.

ആന്ധ്രപ്രദേശ്
ജനുവരി 27-നാണ് ആന്ധ്രപ്രദേശ് നിയമ സഭ ലെജിസ്ലേറ്റീവ് കൗണ്‍സില്‍ പിരിച്ചുവിടാനുള്ള പ്രമേയം പാസാക്കിയത്. ആന്ധ്രപ്രദേശ്, ബിഹാര്‍, കര്‍ണാടക, മഹാരാഷ്ട്ര, തെലങ്കാന, ഉത്തര്‍പ്രദേശ് സംസ്ഥാനങ്ങളിലാണ് നിയമസഭയ്ക്ക് പുറമെ ലെജിസ്ലേറ്റീവ് കൗണ്‍സിലും പ്രവര്‍ത്തിക്കുന്നത്. രാജ്യസഭയുടെ മാതൃകയില്‍ സംസ്ഥാനങ്ങളില്‍ പ്രവര്‍ത്തിക്കുന്ന ഉപരിസഭയാണ് നിയമനിര്‍മാണ കൗണ്‍സില്‍. ഇതിലെ അംഗ സംഖ്യ നിയമ സഭയുടെ അംഗസംഖ്യയുടെ മൂന്നിലൊന്നില്‍ കവിയരുതെന്നാണ് വ്യവസ്ഥ.

40
അമേരിക്കന്‍ ചേംബര്‍ ഓഫ് കൊമേഴ്‌സിന്റെ ഗ്ലോബല്‍ ഇന്നവേഷന്‍ പോളിസി സെന്ററാണ് ബൗദ്ധിക സ്വത്തവകാശ സൂചിക തയ്യാറാക്കുന്നത്. 2019-ല്‍ 36-ാം റാങ്കിലായിരുന്നു ഇന്ത്യ. സൂചികയില്‍ ഒന്നാം സ്ഥാനത്ത് അമേരിക്കയും രണ്ടാം സ്ഥാനത്ത് യു.കെയുമാണ്.

328
288 ദിവസം ബഹിരാകാശത്ത് ഒറ്റയ്ക്കു ചെലവഴിച്ച നാസയുടെ ബഹിരാകാശ യാത്രിക പെഗ്ഗി വിറ്റ്‌സണിന്റെ റെക്കോഡാണ് ക്രിസ്റ്റീന കൗക്ക് മറികടന്നത്. ബഹിരാകാശത്ത് ഏറ്റവും കൂടുതല്‍ കാലം ഒറ്റയ്ക്ക് കഴിഞ്ഞയാള്‍ എന്ന റെക്കോഡ് സ്‌കോട്ട് കെല്ലിയുടെ പേരിലാണ്. ഇദ്ദേഹം 340 ദിവസമാണ് ബഹിരാകാശത്ത് ഒറ്റയ്ക്ക് തങ്ങിയത്.

ഈനാംപേച്ചി
രോഗം ബാധിച്ച മനുഷ്യരുടെ ശരീരത്തിലെ വൈറസിന്റെയും ഈനാം പേച്ചിയില്‍ കണ്ടെത്തിയ വൈറസിന്റെയും ജനിതകഘടനയില്‍ 99 ശതമാനം സാമ്യമുള്ളതായാണ് ചൈനീസ് ശാസ്ത്രജ്ഞര്‍ കണ്ടെത്തിയിരിക്കുന്നത്. കൊറോണ വൈറസാണ് രോഗം പരത്തുന്നതെന്ന് ആദ്യം പുറംലോകത്തെ അറിയിച്ച വുഹാനിലെ ഡോക്ടര്‍ ലി വെന്‍ലിയാങ് ഫെബ്രുവരി 7-ന് രോഗ ബാധിതനായി മരിച്ചിരുന്നു.

എട്ട്
നേരത്തെ ഏഴ് കേന്ദ്ര ഭരണ പ്രദേശങ്ങളായിരുന്നു ഇന്ത്യയിലുണ്ടായിരുന്നത്. 2019 ഒക്ടോബര്‍ 31-ന് ജമ്മു-കശ്മിര്‍, ലഡാക്ക് എന്നിവ പുതിയ കേന്ദ്ര ഭരണ പ്രദേശങ്ങളാക്കിയതോടെ കേന്ദ്ര ഭരണപ്രദേശങ്ങളുടെ എണ്ണം ഒമ്പതായി. ദാദ്ര ആന്‍ഡ് നാഗര്‍ ഹവേലി, ദാമന്‍ ആന്‍ഡ് ദിയു എന്നീ കേന്ദ്ര ഭരണപ്രദേശങ്ങളെ ലയിപ്പിച്ച് ഒറ്റ കേന്ദ്ര ഭരണ പ്രദേശമാക്കിയതോടെയാണ് ഇത് എട്ടായി ചുരുങ്ങിയത്. ദാദ്ര ആന്‍ഡ് നാഗര്‍ ഹവേലി ആന്‍ഡ് ദാമന്‍ ആന്‍ഡ് ദിയു എന്നാണ് ലയനത്തിനുശേഷം നിലവില്‍ വന്ന പുതിയ കേന്ദ്ര ഭരണ പ്രദേശത്തിന്റെ പേര്. 2020 ജനുവരി 26-ന് ഇത് നിലവില്‍ വന്നത്.

സിനിമ
എഴുപത്തി മൂന്നാമത് ബാഫ്റ്റ അക്കാദമി അവാര്‍ഡ് ഫെബ്രുവരി മൂന്നിന് പ്രഖ്യാപിച്ചു. ഒന്നാം ലോക മഹായുദ്ധത്തിന്റെ പശ്ചാത്തലത്തില്‍ സൈനികരുടെ കഥ പറയുന്ന '1917' എന്ന സിനിമയ്ക്ക് ഏഴ് പുരസ്‌കാരങ്ങള്‍ ലഭിച്ചു. മികച്ച വിദേശ ചിത്രത്തിനുള്ള പുരസ്‌കാരം കൊറിയന്‍ ചിത്രമായ പാരസൈറ്റിനാണ്.