ബിമല്‍ ജുല്‍ക്ക
നിലവിലെ മുഖ്യ വിവരാവകാശ കമ്മീഷണറായ സുധീര്‍ ഭാര്‍ഗവയ്ക്ക് പകരക്കാരനായാണ് ബിമല്‍ ജുല്‍ക്ക നിയമിതനാകുന്നത്. ഇന്ത്യന്‍ അഡ്മിനിസ്‌ട്രേറ്റിവ് സര്‍വീസില്‍നിന്ന് വിരമിച്ച ബിമല്‍ ജുല്‍ക്ക മുന്‍ ഇഫര്‍മേഷന്‍ ബ്രോഡ്കാസ്റ്റിങ് സെക്രട്ടറിയാണ്.

സച്ചിന്‍ തെണ്ടുല്‍ക്കര്‍
ഫെബ്രുവരി 17ന് ജര്‍മനിയിലെ ബെര്‍ലിനില്‍ വെച്ചാണ് ഇത്തവണത്തെ ലോറിയസ് സ്പോര്‍ട്സ് അവാര്‍ഡ് സമ്മാനിച്ചത്. 2011ലെ ക്രിക്കറ്റ് ലോകകപ്പ് ജയിച്ച ഇന്ത്യന്‍ ടീം സച്ചിന്‍ തെണ്ടുല്‍ക്കറെ ചുമലിലേറ്റിയ ചിത്രം കഴിഞ്ഞ രണ്ടുപതിറ്റാണ്ടിലെ (2000-2020) സ്പോര്‍ട്ടിങ് മോമെന്റായി തിരഞ്ഞെടുക്കപ്പെട്ടു. ലോറിയസ് സ്പോര്‍ട്സ് അവാര്‍ഡിനായി ആദ്യമായി നാമനിര്‍ദേശം ചെയ്യപ്പെട്ട ഇന്ത്യന്‍ കായികതാരം വിനേഷ് ഫോഗട്ട് (2019) ആണ്.

United by Emotion
സാര്‍വലൗകിക മൂല്യങ്ങളെയും കായിക ലോകത്തിന്റെ ഐക്യത്തെയും ഉയര്‍ത്തിക്കാണിക്കുകയെന്ന ലക്ഷ്യത്തോടെയാണ് 'United by Emotion' ടോക്യോ ഒളിംപിക്സിന്റെ ആപ്തവാക്യമായി തിരഞ്ഞെടുത്തത്. ജൂലായ് 24 മുതല്‍ ഓഗസ്റ്റ് 9 വരെയാണ് ഇത്തവണത്തെ ഒളിംപിക്സ്. 'Citius, Altius, Fortius' അഥവാ 'Faster, Higher, Stronger'' എന്നതാണ് ഒളിംപിക്സിന്റെ ഔദ്യോഗിക ആപ്തവാക്യം.

അരുണ്‍ ജെയ്റ്റ്ലി
ഹരിയാണയിലെ ഫരീദാബാദിലാണ് നാഷണല്‍ ഇന്‍സ്റ്റിറ്റ്യൂട്ട് ഓഫ് ഫിനാന്‍ഷ്യല്‍ മാനേജ്മെന്റ് (NIFM). കേന്ദ്രസര്‍ക്കാരിന്റെ പുതിയ തീരുമാനത്തോടെ ഇനിമുതല്‍ ഇത് 'അരുണ്‍ ജെയ്റ്റ്ലി നാഷണല്‍ ഇന്‍സ്റ്റിറ്റ്യൂട്ട് ഓഫ് ഫിനാന്‍ഷ്യല്‍ മാനേജ്മെന്റ്' (AJNIFM) എന്നറിയപ്പെടും.

റോബിന്‍ സിങ്
56-കാരനായ റോബിന്‍ സിങ് ഫെബ്രുവരി 12നാണ് യു.എ.ഇ.യുടെ ഡയറക്ടര്‍ ഓഫ് ക്രിക്കറ്റ് സ്ഥാനത്തേക്ക് നിയമിതനായത്. എമിറേറ്റ്സ് ക്രിക്കറ്റ് ബോര്‍ഡ് ഹെഡ് കോച്ചായിരുന്ന ഡഗ്ലസ് റോബര്‍ട്ട് ബ്രൗണിനെ തല്‍സ്ഥാനത്തുനിന്ന് നീക്കം ചെയ്ത ശേഷമായിരുന്നു റോബിന്‍ സിങിനെ നിയമിച്ചത്.

പുതുച്ചേരി
പൗരത്വ ഭേദഗതി നിയമം (CAA), ദേശീയ പൗരത്വ രജിസ്റ്റര്‍ (NRC), ദേശീയ ജനസംഖ്യാ രജിസ്റ്റര്‍ (NPR) എന്നിവയ്ക്കെതിരെ ഫെബ്രുവരി 12നാണ് പുതുച്ചേരി നിയമസഭ പ്രമേയം പാസാക്കിയത്. കേരളം, പഞ്ചാബ്, രാജസ്ഥാന്‍, പശ്ചിമ ബംഗാള്‍, മധ്യപ്രദേശ് എന്നീ സംസ്ഥാനങ്ങളും പൗരത്വ ഭേദഗതി നിയമത്തിനെതിരെ പ്രമേയം പാസാക്കിയിട്ടുണ്ട്.

യു.കെ.
ഇന്ത്യന്‍ വ്യോമസേന, ബ്രിട്ടീഷ് റോയല്‍ എയര്‍ഫോഴ്‌സ് എന്നിവയുടെ സംയുക്ത സൈനിഭ്യാസമാണ് ഇന്ദ്രധനുഷ്. ഇതിന്റെ അഞ്ചാം പതിപ്പ് 2020 ഫെബ്രുവരി 24 മുതല്‍ 29 വരെ ഉത്തര്‍പ്രദേശിലെ ഹിന്‍ദാനില്‍ നടന്നു.

മന്‍പ്രീത് സിങ്
27-കാരനായ മന്‍പ്രീത് സിങ് പവാര്‍ ഇന്ത്യന്‍ പുരുഷ ഹോക്കി ടീം ക്യാപ്റ്റനാണ്. അന്താരാഷ്ട്ര ഹോക്കി ഫെഡറേഷന്റെ 2019-ലെ പ്ലെയര്‍ ഓഫ് ദി ഇയര്‍ അവാര്‍ഡാണ് ഇദ്ദേഹം സ്വന്തമാക്കിയത്. തെതര്‍ലാന്‍ഡ്സ് വനിതാ ഹോക്കി ടീം ക്യാപ്റ്റനായ ഇവാ ഡീഗൊയ്താണ് വനിതകളുടെ വിഭാഗത്തില്‍ ഈ പുരസ്‌കാരം നേടിയത്.

യോദ്ധാവ്
ലഹരി ഉപയോഗത്തേയും ലഹരിവസ്തുക്കളുടെ വിതരണത്തെയും സംബന്ധിച്ച വിവരങ്ങള്‍ പൊതുജനങ്ങള്‍ക്ക് പോലിസിനെ അറിയിക്കാനുള്ള സംവിധാനമാണ് യോദ്ധാവ് ആപ്പിലൂടെ സര്‍ക്കാര്‍ ഒരുക്കിയിട്ടുള്ളത്. ഇന്‍ഫോര്‍മറുടെ വ്യക്തിവിവരങ്ങള്‍ രഹസ്യമായി സൂക്ഷിക്കും. മുഖ്യമന്ത്രി പിണറായി വിജയന്‍ ഫെബ്രുവരി 15ന് കൊച്ചിയിലാണ് ആപ്പ് ലോഞ്ച് ചെയ്തത്.

അഫ്ഗാനിസ്താന്‍
2019 സെപ്റ്റംബറില്‍ നടന്ന തിരഞ്ഞെടുപ്പില്‍ 50.64 ശതമാനം വോട്ടോടെയാണ് സ്വതന്ത്ര സ്ഥാനാര്‍ഥിയായി മത്സരിച്ച അഷറഫ് ഘനി വീണ്ടും അഫ്ഗാന്‍ പ്രസിഡന്റായി തിരഞ്ഞെടുക്കപ്പെട്ടത്. പ്രധാന എതിരാളിയായിരുന്ന അബ്ദുള്ള അബ്ദുള്ളയ്ക്ക് 39.52 ശതമാനം വോട്ടേ നേടാനായുള്ളൂ.