I am also digital
കേരള സംസ്ഥാന ഐ.ടി. മിഷന്റെയും സാക്ഷരതാ മിഷന്റെയും സംയുക്താഭിമുഖ്യത്തിലാണ് 'I am also digital' പദ്ധതി നടപ്പാക്കുന്നത്. ഡിജിറ്റല്‍ സാങ്കേതികവിദ്യയുടെ സാധ്യതകള്‍ പരിചയപ്പെടുത്തുക, സൈബര്‍ കുറ്റകൃത്യങ്ങള്‍ കുറയ്ക്കാനുള്ള ബോധവത്കരണം ശക്തിപ്പെടുത്തുക തുടങ്ങിയവയാണ് പദ്ധതിയുടെ ലക്ഷ്യം. തിരുവനന്തപുരം കോര്‍പ്പറേഷനിലാണ് പദ്ധതിയുടെ തുടക്കം.

ഓസ്‌ട്രേലിയ
ഫെബ്രുവരി 21 മുതല്‍ മാര്‍ച്ച് എട്ട് വരെ ഓസ്‌ട്രേലിയയിലായിരുന്നു ഇത്തവണത്തെ വനിതാ ട്വന്റി20 ലോകകപ്പ്. മെല്‍ബണഇല്‍ നടന്ന ഫൈനല്‍ മത്സരത്തില്‍ ഓസ്‌ട്രേലിയ ഇന്ത്യയെ 85 റണ്‍സിന് തോല്‍പ്പിച്ചു. ഓസ്‌ട്രേലിയയുടെ ബെത്ത് മൂണി ടൂര്‍ണമെന്റിലെ താരമായി. ഐ.സി.സിയുടെ ഏതെങ്കിലും ലോകകപ്പ് ഫൈനലില്‍ കളിക്കുന്ന പ്രായംകുറഞ്ഞ താരമെന്ന നേട്ടം ഇന്ത്യയുടെ ഷഫാലി വര്‍മ സ്വന്തമാക്കി.

വിസ്താര
അടുത്തിടെയാണ് കേന്ദ്രസര്‍ക്കാര്‍ യാത്രക്കാര്‍ക്ക് വിമാനത്തിനുള്ളില്‍ വൈഫൈ സംവിധാനം നല്‍കാന്‍ അനുമതി നല്‍കിയത്. വൈഫൈ ഉപയോഗിക്കുമ്പോള്‍ ഫോണ്‍ ഫ്‌ളൈറ്റ് മോഡിലായിരിക്കണമെന്ന് നിര്‍ദേശമുണ്ട്. വിസ്താരയുടെ ബോയിങ് 787-9 എയര്‍ക്രാഫ്റ്റിലാണ് ആദ്യമായി ഈ സംവിധാനം ഏപ്പെടുത്തുക.

നുപൂര്‍ കുല്‍ശ്രേഷ്ഠ
1999ലാണ് നുപൂര്‍ കുല്‍ശ്രേഷ്ഠ ഇന്ത്യന്‍ കോസ്റ്റ് ഗാര്‍ഡില്‍ ചേര്‍ന്നത്. വനിതാദിനമായ മാര്‍ച്ച് എട്ടിനാണ് അവര്‍ കോസ്റ്റ ഗാര്‍ഡ് ഡി.ഐ.ജിയായി ചുമതലയേറ്റത്.

പി.ടി. ഉഷ
1980 മുതല്‍ 1996 വരെ ഒളിമ്പിക് മത്സരങ്ങളില്‍ ഇന്ത്യയെ പ്രതിനിധാനംചെയ്ത ഉഷയ്ക്ക് 1984-ല്‍ ലോസ് ആഞ്ജലീസില്‍ സെക്കന്‍ഡിന്റെ നൂറിലൊരംശത്തിനാണ് മെഡല്‍ നഷ്ടമായത്. 1985 ഏഷ്യന്‍ ചാമ്പ്യന്‍ഷിപ്പില്‍ അഞ്ച് സ്വര്‍ണം നേടി. 2019ലെ ഇന്ത്യയിലെ ഏറ്റവും മികച്ച കായികതാരത്തിനുള്ള പുരസ്‌കാരം ബാഡ്മിന്റണ്‍ താരം പി.വി. സിന്ധു നേടി.

അജയ് ഭൂഷണ്‍ പാണ്ഡെ
പ്രധാനമന്ത്രി നരേന്ദ്ര മോദി അധ്യക്ഷനായ കാബിനറ്റ് കമ്മിറ്റിയാണ് അജയ് ഭൂഷണ്‍ പാണ്ഡെയെ പുതിയ ഫിനാന്‍സ് സെക്രട്ടറിയായി നിയമിച്ചത്. ഫെബ്രുവരിയോടെ കാലാവധി അവസാനിച്ച രാജിവ് കുമാറിനു പകരക്കാരനായാണ് അദ്ദേഹം നിയമിതനായത്. കേന്ദ്രധനകാര്യ മന്ത്രാലയത്തിനു കീഴിലാണ് ഫിനാന്‍സ് സെക്രട്ടറി പ്രവര്‍ത്തിക്കുന്നത്.

ജാക് മാ
ബ്ലൂംബെര്‍ഗ് ബില്യണയര്‍ ഇന്‍ഡക്‌സ് പ്രകാരം ഇന്ത്യയിലെ ഏറ്റവും സമ്പന്നനാണ് മുകേഷ് അംബാനി. ലോകത്തിലെ സമ്പന്നന്മാരുടെ പട്ടികയില്‍ 19-ാമതാണ് അംബാനിയുടെ സ്ഥാനം. ചൈനീസ് ഇ-കൊമേഴ്‌സ് കമ്പനിയായ അലിബാബയുടെ സ്ഥാപകനായ ജാക് മാ 18-ാമതാണ്. ആമസോണ്‍ സി.ഇ.ഒ ജെഫ് ബെസോസ് തന്നെയാണ് ഇത്തവണയും ഒന്നാമത്. ബില്‍ഗേറ്റ്‌സാണ് പട്ടികയിലെ രണ്ടാമന്‍.

സിന്‍ഡിക്കേറ്റ് ബാങ്ക്
10 പൊതുമേഖലാ ബാങ്കുകളെ ലയിപ്പിച്ച് നാലെണ്ണമാക്കാന്‍ കേന്ദ്ര സര്‍ക്കാര്‍ കഴിഞ്ഞ വര്‍ഷം തീരുമാനിച്ചിട്ടുണ്ട്. ഓറിയെന്റല്‍ ബാങ്ക് ഓഫ് കൊമേഴ്‌സ്, യുണൈറ്റഡ് ബാങ്ക് ഓഫ് ഇന്ത്യ എന്നിവ പഞ്ചാബ് നാഷണല്‍ ബാങ്കിലും സിന്‍ഡിക്കേറ്റ് ബാങ്ക് കനറാ ബാങ്കിലും ആന്ധ്രാ ബാങ്ക്, കോര്‍പ്പറേഷന്‍ ബാങ്ക് എന്നിവ യൂണഇയന്‍ ബാങ്ക് ഓഫ് ഇന്ത്യയിലും അലഹബാദ് ബാങ്ക് ഇന്ത്യന്‍ ബാങ്കിലും ലയിക്കും. ലയനം ഏപ്രില്‍ ഒന്നുമുതല്‍ നിലവില്‍ വരും.

ലക്‌സംബര്‍ഗ്
യൂറോപ്പിലെ ഏറ്റവും ചെറിയ ഏഴാമത്തെ രാജ്യമാണ് ലക്‌സംബര്‍ഗ്. 2020 ഫെബ്രുവരി 29 മുതല്‍ക്കാണ് ഇവിടെ പൊതുഗതാഗതം സൗജന്യമാക്കിയത്. റോഡുകളിലെ ട്രാഫിക് ജാം കുറയ്ക്കുകയെന്നതാണ് പദ്ധതിയുടെ പ്രധാന ലക്ഷ്യം.

ഡോ. എല്‍. സുബ്രഹ്മണ്യം
സംസ്ഥാന സര്‍ക്കാരിന്റെ പരമോന്നത സംഗീത പുരസ്‌കാരമായ സ്വാതി പുരസ്‌കാരം വയലിനിസ്റ്റ് ഡോ. എല്‍. സുബ്രഹ്മണ്യത്തിന്. 1988ല്‍ പദ്മശ്രീയും 2001 പദ്മ ഭൂഷണും നല്‍കി രാജ്യം ആദരിച്ചിട്ടുണ്ട്. 2017-ലെ സ്വാതി പുരസ്‌കാരമാണിത്. രണ്ടുലക്ഷം രൂപയുടേതാണ് പുരസ്‌കാരം. 2020 മാര്‍ച്ച് നാലിനാണ് പുരസ്‌കാര പ്രഖ്യാപനം നടന്നത്.