ബഹ്‌റെയ്ന്‍
നാലു വര്‍ഷം കൂടുമ്പോഴാണ് ഏഷ്യന്‍ യൂത്ത് പാരാഗെയിംസ് സംഘടിപ്പിക്കുന്നത്. 2009-ല്‍ ടോക്ക്യോയിലായിരുന്നു ആദ്യത്തെ ഗെയിംസ്. 2021 ഡിസംബര്‍ 1 മുതല്‍ 10 വരെയാണ് നാലാമത്തെ ഗെയിംസ് നടക്കുക.

ലഡാക്ക്
തര്‍ക്കപ്രദേശമായ അക്‌സായ് ചിന്നില്‍നിന്നും ഉത്ഭവിക്കുന്ന ഗല്‍വാന്‍ നദിയുടെ ഒഴുക്കിന്റെ ഫലമായാണ് ഗല്‍വാന്‍ താഴ്‌വര സൃഷ്ടിക്കപ്പെട്ടത്. പടിഞ്ഞാറോട്ട് ഒഴുകുന്ന ഗല്‍വാന്‍ സിന്ധു നദിയുടെ പോഷകനദിയായ ഷൈലോക്കില്‍ ചെന്നെത്തും.

ജൂണ്‍ 19
കേരള ഗ്രന്ഥശാല സംഘത്തിന്റെ ഉപജ്ഞാതാവും പ്രചാരകനുമായിരുന്ന പി.എന്‍. പണിക്കരുടെ ചരമദിനമാണ് ജൂണ്‍ 19. 1996 മുതലാണ് കേരള സര്‍ക്കാര്‍ വായനാദിനാചരണം ആരംഭിച്ചത്. ജൂണ്‍ 19 മുതല്‍ ഒരാഴ്ച വായനാവാരമായും ആചരിക്കുന്നു.

ഫസ്റ്റ് ബെല്‍
2020 ജൂണ്‍ 1 മുതലാണ് കൈറ്റ് വിക്ടേഴ്‌സ് ചാനല്‍ വഴി കേരളത്തിലെ 1 മുതല്‍ 12 വരെ ക്ലാസുകളില്‍ പഠിക്കുന്ന വിദ്യാര്‍ഥികള്‍ക്കായി ഓണ്‍ലൈന്‍ ക്ലാസുകള്‍ ആരംഭിച്ചത്. കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എജ്യൂക്കേഷന്‍ (കൈറ്റ്) ആണ് ക്ലാസുകള്‍ക്കുള്ള ടൈംടേബിള്‍ തയ്യാറാക്കുന്നത്. വിക്ടേഴ്‌സ് ചാനലിനുപുറമെ വെബ്‌സൈറ്റിലും യൂട്യൂബ് ചാനലിലും ക്ലാസുകള്‍ ലഭ്യമാണ്.

ബി.ഇ.സി.
ദ്രവ്യത്തിന്റെ അഞ്ചാമത്തെ അവസ്ഥയായ ബി.ഇ.സി (ബോസ്-ഐന്‍സ്‌റ്റൈന്‍ കണ്ടെന്‍സേറ്റ്‌) നാസയിലെ ശാസ്ത്രജ്ഞര്‍ കണ്ടെത്തിയതുമായി ബന്ധപ്പെട്ട ലേഖനം നേച്ചര്‍ ജേണലിലാണ് പ്രസിദ്ധീകരിച്ചത്. 0 (പൂജ്യം) കെല്‍വിന്‍ അഥവാ -273.15 ഡിഗ്രി സെല്‍ഷ്യസ് താപനിലയാണ് ചില മൂലകങ്ങളുടെ ആറ്റങ്ങള്‍ക്ക് ഈ പ്രത്യേക അവസ്ഥയിലേക്ക് എത്താനാകുന്നത്.

ഐ.എം. വിജയന്‍
ഐ.എം വിജയനെ പത്മശ്രീ പുരസ്‌കാരത്തിനായി നാമനിര്‍ദേശം ചെയ്തത് ഓള്‍ ഇന്ത്യ ഫുട്ബോള്‍ ഫെഡറേഷനാണ് (എ.ഐ.എഫ്.എഫ്). ഇന്ത്യ കണ്ട മികച്ച സ്ട്രൈക്കര്‍മാരില്‍ ഒരാളായ വിജയന്‍ 17-ാം വയസില്‍ കേരള പോലീസിലൂടെയാണ് ഫുട്ബോള്‍ കരിയറിന് തുടക്കമിടുന്നത്. 2003ല്‍ അര്‍ജുന പുരസ്‌കാരം ലഭിച്ചിരുന്നു.

വോല്‍ക്കന്‍ ബോസ്‌കിര്‍
69-കാരനായ വോല്‍ക്കന്‍ ബോസ്‌കിര്‍ യു.എന്‍. പൊതുസഭയുടെ അധ്യക്ഷനാവുന്ന ആദ്യത്തെ തുര്‍ക്കിക്കാരനാണ്. ഒരുവര്‍ഷമാണ് കാലാവധി. ആന്വല്‍ സെഷന് തുടക്കമാകുന്ന 2020 സെപ്റ്റംബര്‍ 15-ന് മുഹമ്മദ് ബന്‍ഡേയുടെ പിന്‍ഗാമിയായി അധികാരമേല്‍ക്കും.

മഹാരാഷ്ട്ര
മഹാരാഷ്ട്രയിലെ വധവാനില്‍ വരാനിരിക്കുന്ന തുറമുഖത്തിന് കേന്ദ്രസര്‍ക്കാര്‍ 65,544 കോടിരൂപയാണ് ചെലവ് കണക്കാക്കുന്നത്. ചരക്കുനീക്കത്തിനായാവും തുറമുഖം പ്രധാനമായും ഉപയോഗപ്പെടുത്തുക.

നാഗ്പൂര്‍
കോവിഡ് സുരക്ഷാ മുന്‍കരുതലിന്റെ ഭാഗമായി സാമൂഹിക അകലം പാലിച്ചുകൊണ്ട് യാത്രക്കാരുടെ ശരീര താപനില, മുഖാവരണം, ടിക്കറ്റ്, തിരിച്ചറിയല്‍ രേഖ തുടങ്ങിയവ ATMA മെഷീന്‍വഴി പരിശോധിക്കാം. Automated Ticket Checking & Managing Access എന്നാണ് ഇതിന്റെ പൂര്‍ണരൂപം.

വിജയകൃഷ്ണന്‍
2020-ലെ പി.കേശവദേവ് സാഹിത്യപുരസ്‌കാരത്തിന് വിജയകൃഷ്ണനും (ചലച്ചിത്ര നിരൂപണം) ഡയബ് സ്‌ക്രീന്‍ കേരള കേശവ്‌ദേവ് പുരസ്‌കാരത്തിന് ഡോ. അരുണ്‍ ബി. നായരും അര്‍ഹരായി. 50,000 രൂപയും പ്രശസ്തിപത്രവും ശില്പവുമടങ്ങുന്നതാണ് പുരസ്‌കാരം.