ജൂണ്‍ 26 1989 മുതല്‍ ഐക്യരാഷ്ട്രസഭയുടെ ആഹ്വാനപ്രകാരം ജൂണ്‍ 26 ലോക ലഹരിവിരുദ്ധ ദിനമായി ആചരിച്ചുവരുന്നു. 'Better Knowledge for Better Care' എന്നതാണ് 2020-ലെ പ്രമേയം.
2. 2020-ലെ കോമണ്‍വെല്‍ത്ത് ചെറുകഥാ പുരസ്‌കാരം നേടിയ ഇന്ത്യന്‍ എഴുത്തുകാരി?
കൃതിക പാണ്ഡെ ജാര്‍ഖണ്ഡ് സ്വദേശിനിയായ കൃതിക പാണ്ഡെയുടെ 'The Great Indian Tee and Snakes' എന്ന കൃതിക്കാണ് പുരസ്‌കാരം. കോമണ്‍വെല്‍ത്ത് റൈറ്റേഴ്‌സ് ഓര്‍ഗനൈസേഷനാണ് പുരസ്‌കാരം നല്‍കുന്നത്.
3. ഇന്ത്യയിലെ ഏറ്റവും വലിയ കോവിഡ്-19 ചികിത്സാകേന്ദ്രമായ സര്‍ദാര്‍ പട്ടേല്‍ കോവിഡ് കെയര്‍ സെന്റര്‍ സ്ഥാപിക്കുന്നതെവിടെ?
ഡല്‍ഹി 70 ഏക്കറിലാണ് സര്‍ദാര്‍ പട്ടേല്‍ കോവിഡ് കെയര്‍ സെന്റര്‍ സ്ഥാപിക്കുന്നത്. കോവിഡ് രോഗികള്‍ക്കായി 10,000 കിടക്കകളാണ് ഇവിടെ സജ്ജീകരിച്ചിരിക്കുന്നത്. ഇന്തോ ടിബറ്റന്‍ ബോര്‍ഡര്‍ പോലീസിനാണ് സുരക്ഷാ ചുമതല.
4. 2023-ലെ ഫിഫ വനിതാ ലോകകപ്പിന് വേദിയാകുന്ന രാജ്യങ്ങള്‍?
ഓസ്‌ട്രേലിയ, ന്യൂസീലന്‍ഡ് വനിതാ ഫുട്‌ബോള്‍ ലോകപ്പിന്റെ 9-ാം പതിപ്പാണ് 2023-ലേത്. ജൂലായ്-ഓഗസ്റ്റ് മാസങ്ങളിലാവും മത്സരങ്ങള്‍ നടക്കുക. അമേരിക്കയാണ് നിലവിലെ ചാമ്പ്യന്മാര്‍.
5. നാഷണല്‍ ഇന്‍സ്റ്റിറ്റ്യൂട്ട് ഓഫ് പബ്ലിക് ഫിനാന്‍സ് ആന്‍ഡ് പോളിസി ചെയര്‍മാനായി നിയമിതനായതാര്?
ഊര്‍ജിത് പട്ടേല്‍ കേന്ദ്രധനകാര്യ മന്ത്രാലയത്തിനുകീഴില്‍ പ്രവര്‍ത്തിക്കുന്ന സ്വയംഭരണ ഗവേഷണ സ്ഥാപനമാണ് നാഷണല്‍ ഇന്‍സ്റ്റിറ്റ്യൂട്ട് ഓഫ് പബ്ലിക് ഫിനാന്‍സ് ആന്‍ഡ് പോളിസി. 1976-ല്‍ ഡല്‍ഹി ആസ്ഥാനമായി സ്ഥാപിച്ചു.
6. ലോകത്തിലെ ഏറ്റവും നീളം കൂടിയ റെയില്‍വേ പ്ലാറ്റ്‌ഫോം നിലവില്‍ വരുന്നതെവിടെ
ഹുബ്ബള്ളി റയില്‍വേ സ്‌റ്റേഷന്‍ സൗത്ത് വെസ്‌റ്റേണ്‍ റയില്‍വേയ്ക്കു കീഴിലാണ് കര്‍ണാടകയിലെ ഹുബ്ബള്ളി റയില്‍വേ സ്‌റ്റേഷന്‍. 1400 മീറ്റര്‍ നീളത്തിലാണ് ഇവിടെ പ്ലാറ്റ്‌ഫോം തയ്യാറാകുന്നത്. ഇതിന്റെ പണി പൂര്‍ത്തിയാകുന്നതോടെ ഉത്തര്‍പ്രദേശിലെ ഗൊരഖ്പൂര്‍ റയില്വേസ്റ്റേഷന് പ്ലാറ്റ്‌ഫോമിന് രണ്ടാംസ്ഥാനമാകും.
7. 2020-ലെ ഇംഗ്ലീഷ് പ്രീമിയര്‍ലീഗ് ചാമ്പ്യന്‍ഷിപ്പ് വിജയികളായ ടീം?
ലിവര്‍പൂള്‍ 30 വര്‍ഷത്തിനുശേഷമാണ് ലിവര്‍പൂള്‍ ഇത്തവണ കിരീടം നേടിയത്. ലീഗില്‍ ഏഴ് മത്സരങ്ങള്‍ ബാക്കി നില്‍ക്കെ വിജയികളായി എന്ന റെക്കോര്‍ഡ് നേട്ടവും ലിവര്‍പൂള്‍ സ്വന്തമാക്കി.
8. കുട്ടികളുടെ അശ്ലീല ദൃശ്യപ്രചാരണവുമായി ബന്ധപ്പെട്ട് കേരള പോലീസ് നടത്തിയ സൈബര്‍ ഓപ്പറേഷന്‍?
ഓപ്പറേഷന്‍ പി. ഹണ്ട് ഓപ്പറേഷന്‍ പി. ഹണ്ടിന്റെ ഭാഗമായി 47 പേരെ കേരള പോലീസ് അറസ്റ്റു ചെയ്തിട്ടുണ്ട്. കുട്ടികളുടെ അശ്ലീല ദൃശ്യപ്രചാരണം തടയാനുള്ള ഐ.ടി. ആക്ട് സെക്ഷന്‍ 67(b) പ്രകാരമാണ് നടപടി.
9. 21-ാം നൂറ്റാണ്ടിലെ മൂല്യമേറിയ ഇന്ത്യന്‍ ടെസ്റ്റ് താരമായി വിസ്ഡന്‍ മാഗസിന്‍ തിരഞ്ഞെടുത്തതാരെ?
രവീന്ദ്ര ജഡേജ ശ്രീലങ്കയുടെ മുത്തയ്യ മുരളീധരനു തൊട്ടുപിന്നില്‍ ലോകത്തിലെ ഏറ്റവും മൂല്യമേറിയ രണ്ടാമത്തെ ടെസ്റ്റ് താരമായാണ് വിസ്ഡന്‍ ജഡേജയെ തിരഞ്ഞെടുത്തത്. 2012-ല്‍ അരങ്ങേറിയ ജഡേജയ്ക്ക് അധികം അവസരങ്ങള്‍ ലഭിച്ചിട്ടില്ല. ഇതുവരെ 49 ടെസ്റ്റുകളില്‍നിന്നായി 1869 റണ്‍സും 213 വിക്കറ്റുകളും നേടിയിട്ടുണ്ട്.
10. 2020 ജൂണ്‍ 18 മാസ്‌ക് ദിനമായി ആചരിച്ച സംസ്ഥാനം?