മലബാര്‍ ബാന്‍ഡഡ് പീകോക്ക്(ബുദ്ധ മയൂരി)
സംസ്ഥാന വൈല്‍ഡ് ലൈഫ് ബോഡാണ് ബുദ്ധമയൂരിയെ സംസ്ഥാന ശലഭമായി നിര്‍ദേശിച്ചത്. സംസ്ഥാന സര്‍ക്കാര്‍ ഈ ശുപാര്‍ശ അംഗീകരിക്കുന്നതോടെ ബുദ്ധമയൂരി സംസ്ഥാന ശലഭമാവും. ബുദ്ധ പീകോക്ക്, പാപ്പിലോ ബുദ്ധ എന്നിങ്ങനെയും ബുദ്ധ മയൂരിക്ക് പേരുണ്ട്. മലബാറില്‍ സുലഭമായി കണ്ടുവരുന്ന ഒരിനമാണിത്. മഹാരാഷ്ട്രയാണ് സംസ്ഥാന ശലഭത്തെ പ്രഖ്യാപിച്ച ആദ്യ സംസ്ഥാനം. കേരളത്തിന്റെ ഒദ്യോഗിക പഴമായി ചക്കയെ കഴിഞ്ഞ മാര്‍ച്ചില്‍ അംഗീകരിച്ചിരുന്നു.

ശ്രീലങ്ക
1918-ലാണ് ശ്രീനാരായണ ഗുരു ആദ്യമായി ശ്രീലങ്ക സന്ദര്‍ശിച്ചത്. ഇതിന്റെ നൂറാം വാര്‍ഷികം 2018 നവംബര്‍ 24 മുതല്‍ 28 വരെ ശ്രീലങ്കയില്‍വെച്ച് നടക്കുകയാണ്. 1926-ലും ഗുരു ശ്രീലങ്ക സന്ദര്‍ശിച്ചിട്ടുണ്ട്.

അലാഹാബാദ്
അലാഹാബാദ് ജില്ലയുടെ പേര് പ്രയാഗ് രാജ് എന്നാക്കാന്‍ കഴിഞ്ഞ ഒക്ടോബറിലാണ് ഉത്തര്‍പ്രദേശ് ഗവണ്‍മെന്റ് തീരുമാനിച്ചത്. ഫൈസാബാദ് ജില്ലയുടെ പേര് അയോധ്യ എന്നാക്കാന്‍ നവംബര്‍ 12-ന് ഉത്തര്‍പ്രദേശ് മന്ത്രിസഭ തീരുമാനിച്ചു.

2018 നവംബർ 11
1918 നവംബർ 11-നാണ് ഒന്നാം ലോക മഹായുദ്ധം അവസാനിപ്പിച്ചുകൊണ്ടുള്ള കരാറിൽ ഒപ്പിട്ടത്. സഖ്യ ശക്തികൾ എന്നറിയപ്പെട്ട ഫ്രാൻസ്, ബ്രിട്ടൻ, റഷ്യ, സെർബിയ, ഇറ്റലി തുടങ്ങിയ രാജ്യങ്ങളും അച്ചുതണ്ട് ശക്തികൾ എന്നറിയപ്പെട്ട ജർമനി, ഒാസ്ട്രിയ, ഒട്ടോമൻ സാമ്രാജ്യം, ബൾഗേറിയ തുടങ്ങിയവയും തമ്മിലായിരുന്നു ഒന്നാം ലോക യുദ്ധം. 1914 ജൂലായ് 28-നാണ് യുദ്ധം തുടങ്ങിയത്. നാല് വർഷത്തോളം നീണ്ടു നിന്നു. 85 ലക്ഷത്തോളം സൈനികർ കൊല്ലപ്പെട്ടു. 2.1 കോടിപ്പേർക്ക് പരിക്കേറ്റു.

നഗരങ്ങളിലെ വനവത്കരണം
ജാപ്പനീസ് ബോട്ടണിസ്റ്റായ അകിര മിയാവാക്കി വികസിപ്പിച്ച നഗര വനവത്കരണ ആശയമാണ് ഇത്. നഗരങ്ങളിൽ അഞ്ച് സെന്റ് വീതമുള്ള ചെറുവനങ്ങൾ പരിപാലിക്കുന്ന രീതിയാണിത്. നഗരവത്കരണം അതിവേഗത്തിലായ കേരളത്തിൽ ഈ പദ്ധതി സ്വീകരിക്കുന്നതിനെക്കുറിച്ച് ഗവൺമെന്റ് ആലോചിക്കുകയാണ്. ആദ്യ ഘട്ടത്തിൽ സർക്കാർ വകുപ്പുകൾക്ക് നഗരപ്രദേശങ്ങളിലുള്ള ഭൂമിയിൽ അഞ്ച് സെന്റ് വീതം ഇതിനായി നീക്കിവെക്കാനാവുമോ എന്നാണ് നോക്കുന്നത്.

ശശി തരൂര്‍
ഈ പുസ്തകത്തിന്റെ പുന: പ്രസിദ്ധീകരിച്ച പതിപ്പ് നവംബര്‍ 14-ന് സോണിയാ ഗാന്ധി പ്രകാശനം ചെയ്തു. 2003-ലാണ് പുസ്തകത്തിന്റെ ആദ്യ പതിപ്പ് പുറത്തിറങ്ങിയത്. Why I Am A Hindu , The Paradoxical Prime Minister എന്നിവ ശശി തരൂരിന്റെ 2018-ല്‍ പുറത്തിറങ്ങിയ കൃതികളാണ്.

നവംബര്‍ 15
നവംബര്‍ 14 ലോക പ്രമേഹ രോഗ ദിനമാണ്. നവംബര്‍ 18 റോഡപകടങ്ങളിലെ ഇരകളെ ഓര്‍മിക്കുന്ന ദിനമാണ്. നവംബര്‍ 19 ലോക ടോയ്‌ലറ്റ് ദിനമായി ആചരിക്കുന്നു.

പള്ളാത്തുരുത്തി ബോട്ട് ക്ലബ്ബ്
പ്രളയം മൂലം മാറ്റിവെച്ച നെഹ്രു ട്രോഫി വള്ളം കളി നവംബർ 10-നാണ് നടന്നത്. പള്ളാത്തുരുത്തി ബോട്ട് ക്ലബ്ബ് തുഴഞ്ഞ പായിപ്പാടൻ ചുണ്ടൻ 28.96 സെക്കൻഡുകൊണ്ടാണ് ഒന്നാമതെത്തിയത്. ഇത് നാലാം തവണയാണ് പായിപ്പാടൻ ചുണ്ടൻ നെഹ്രു ട്രോഫിയിൽ വിജയിയാവുന്നത്.

സ്‌പൈഡര്‍മാന്‍
അമേരിക്കന്‍ കോമിക്ക് ബുക്ക് റൈറ്ററും മാര്‍വെല്‍ കോമിക്‌സിന്റെ ചെയര്‍മാനുമായ സ്റ്റാന്‍ലീ മാര്‍ട്ടിന്‍ ലീബര്‍ 2018 നവംബര്‍ 12-ന് അന്തരിച്ചു. ഡെയര്‍ ഡെവിള്‍, ബ്ലാക്ക് പാന്തര്‍ തുടങ്ങിയ ജനപ്രിയ കഥാപാത്രങ്ങളുടെയും സഹ സൃഷ്ടാവാണ് ലീ.

പാര്‍ലമെന്ററി അഫയേഴ്‌സ്‌
ബെംഗളൂരുവില്‍ ജനിച്ച അനന്ദ് കുമാര്‍ ആറ് തവണ പാര്‍ലമെന്റ് അംഗമായിട്ടുണ്ട്. 1996-ലാണ് ആദ്യമായി പാര്‍ലമെന്റിലേക്ക് വിജയിച്ചത്. 2018 നവംബര്‍ 12-നാണ് അനന്ദ് കുമാര്‍ അന്തരിച്ചത്. നരേന്ദ്ര സിങ് തോമറിനാണ് ഇപ്പോള്‍ പാര്‍ലമെന്ററി കാര്യ വകുപ്പിന്റെ ചുമതല. ഗ്രാമവികസനം, പഞ്ചായത്തി രാജ്, മൈന്‍സ് വകുപ്പുകളുടെ മന്ത്രി കൂടിയാണ് തോമര്‍.