പെണ്‍കൂട്ട്
2018-ല്‍ ലോകത്തിന് മാതൃകയും പ്രചോദനവുമായ പ്രവര്‍ത്തനങ്ങള്‍ സംഘടിപ്പിച്ച 100 വനിതകളുടെ പട്ടികയാണ് ബി.ബി.സി. നവംബര്‍ 20-ന് പുറത്തിറക്കിയത്. ഇന്ത്യയില്‍നിന്ന് മിന ഗായെന്‍, റാഹിബായി എന്നിവരാണ് പട്ടികയിലുള്‍പ്പെട്ട മറ്റ് രണ്ട് വനിതകള്‍. 2009-ലാണ് കോഴിക്കോട്ടുകാരിയായ വിജി പെണ്‍കൂട്ട് എന്ന സംഘടന രൂപവത്കരിച്ചത്. 2011-ല്‍ പെണ്‍കൂട്ടിനു കീഴില്‍ അസംഘടിത മേഖലാ തൊഴിലാളി യൂണിയന്‍(AMTU) രൂപവത്കരിച്ചു. മിഠായിത്തെരുവിലെ വനിത തൊഴിലാളികള്‍ക്ക് ടോയ്‌ലറ്റ് പോലുള്ള അടിസ്ഥാന സൗകര്യങ്ങളൊരുക്കുന്നതില്‍ സമരം ചെയ്ത് വിജയം നേടിയത് സംഘടനയെ ശ്രദ്ധേയമാക്കി.

മാലദ്വീപ്
മാലദ്വീപ് മുന്‍പ്രസിഡന്റ് അബ്ദുള്ള യമീനെ പരാജയപ്പെടുത്തിയാണ് മുഹമ്മദ് സോലിഹ് പ്രസിഡന്റായത്. സത്യപ്രതിജ്ഞാ ചടങ്ങില്‍ ഇന്ത്യന്‍ പ്രധാനമന്ത്രി നരേന്ദ്ര മോദി പങ്കെടുത്തു.

സി.എസ്.ഇ.
ഡല്‍ഹി ആസ്ഥാനമായി പ്രവര്‍ത്തിക്കുന്ന പരിസ്ഥിതി സംഘടനയാണ് സി.എസ്.ഇ.(സെന്റര്‍ ഫോര്‍ സയന്‍സ് ആന്റ് എന്‍വയോണ്‍മെന്റ്). ഇന്ദിരാഗാന്ധി മെമ്മോറിയല്‍ ട്രസ്റ്റാണ് അവാര്‍ഡ് നല്‍കുന്നത്. മുന്‍രാഷ്ട്രപതി പ്രണാബ് കുമാര്‍ മുഖര്‍ജി അധ്യക്ഷനായ സമിതിയാണ് സി.എസ്.ഇ.യെ അവാര്‍ഡിന് തിരഞ്ഞെടുത്തത്. 25 ലക്ഷം രൂപയാണ് സമ്മാനത്തുക.

സിറില്‍ റമഫോസ
ദക്ഷിണാഫ്രിക്കന്‍ പ്രസിഡന്റാണ് സിറില്‍ റമഫോസ. ഡൊണാള്‍ഡ് ട്രംപിനെയായിരുന്നു 2019-ലെ മുഖ്യാതിഥിയായി ക്ഷണിച്ചിരുന്നത്. ഇദ്ദേഹം ക്ഷണം നിരസിച്ചതോടെയാണ് ദക്ഷിണാഫ്രിക്കന്‍ പ്രസിന്റിനെ ക്ഷണിച്ചത്. 2018-ല്‍ ആസിയാന്‍ രാജ്യങ്ങളുടെ തലവന്മാരായിരുന്നു മുഖ്യാതിഥികളായി പങ്കെടുത്തത്.

നവംബര്‍ 18
കേന്ദ്ര ആയുഷ് മന്ത്രാലയത്തിന്റെ നേതൃത്വത്തിലാണ് നാച്ചുറോപ്പതി ദിനം ആചരിച്ചത്. ഇത് ആദ്യമായാണ് ഈ ദിനാചരണം സംഘടിപ്പിക്കപ്പെട്ടത്. ഭക്ഷണക്രമീകരണത്തിലൂടെയും ജീവിത ശൈലീ ക്രമീകരണത്തിലൂടെയും രോഗങ്ങളെ തടയുകയും മരുന്നുകളുടെ ഉപയോഗം കുറക്കുകയും ചെയ്യാനുള്ള ബോധവത്കരണമാണ് ദിനാചരണത്തിലൂടെ ലക്ഷ്യം വയ്ക്കുന്നത്.

ജി.എസ്.എല്‍.വി. മാര്‍ക്ക് 3
641 ടണ്‍ ഭാരമുള്ള ജി.എസ്.എല്‍.വി. മാര്‍ക്ക് III ഐ.എസ്.ആര്‍.ഒയുടെ ഏറ്റവും ഭാരം കൂടിയ ഉപഗ്രഹ വിക്ഷേപണ വാഹനമാണ്. അഞ്ചാംതലമുറ വിക്ഷേപണ വാഹനമായ ജി.എസ്.എല്‍.വി.മാര്‍ക്ക് III-ഡി.2 ഉപയോഗിച്ചാണ് 2018 നവംബര്‍ 14-ന് ജി.സാറ്റ് 29 ഉപഗ്രഹം വിക്ഷേപിച്ചത്. ഇന്ത്യയില്‍നിന്ന് വിക്ഷേപിച്ച ഏറ്റവും ഭാരം കൂടിയ ഉപഗ്രഹമാണ് ജിസാറ്റ് 29. ഇന്ത്യയുടെ 33-ാം വാര്‍ത്താവിനിമയ വാഹനമാണിത്. ജിയോ സിന്‍ക്രണസ് സാറ്റലൈറ്റ് ലോഞ്ച് വെഹിക്കിള്‍ എന്നതിന്റെ ചുരുക്ക രൂപമാണ് ജി.എസ്.എല്‍.വി.

കിം ജോങ് യാങ്
ഇന്റര്‍പോളിന്റെ മേധാവിയായിരുന്ന മെങ് ഹോങ് വേയെ ചൈനയില്‍ കാണാതായതിനെത്തുടര്‍ന്നാണ് പുതിയ മേധാവിയെ തിരഞ്ഞെടുത്തത്. പുതിയ മേധാവിയായി തിരഞ്ഞെടുക്കപ്പെട്ട കിം ജോങ് യാങ് ദക്ഷിണ കൊറിയക്കാരനാണ്. ഇന്റര്‍പോളിന്റെ ആക്ടിങ് പ്രസിഡന്റും സീനിയര്‍ വൈസ് പ്രസിഡന്റുമായി പ്രവര്‍ത്തിച്ചുവരികയായിരുന്നു ഇദ്ദേഹം. റഷ്യന്‍ പ്രസിഡന്റ് വ്ലാദമിർ പുടിന്റെ അടുത്ത അനുയായിയായ അലക്‌സാന്‍ഡര്‍ പ്രൊകോപ്ചകിനെ പരാജയപ്പെടുത്തിയാണ് പുതിയ തലവനായി കിം ജോങ് യാങ് തിരഞ്ഞെടുക്കപ്പെട്ടത്. ലോകത്തെ 194 രാജ്യങ്ങളിലെ പോലീസ് സംവിധാനങ്ങളുടെ അന്താരാഷ്ട്ര തല കൂട്ടായ്മയാണ് 1923-ല്‍ നിലവില്‍വന്ന ഇന്റര്‍പോള്‍.

5 ലക്ഷം
2018 ഏപ്രില്‍ 14-നാണ് ആയുഷ്മാന്‍ ഭാരത് പദ്ധതി ഉദ്ഘാടനം ചെയ്തത്. പ്രധാനമന്ത്ര ജന്‍ ആരോഗ്യ യോജന എന്നുകൂടി ഈ പദ്ധതി അറിയപ്പെടുന്നു. 2011-ലെ സെന്‍സസ് അടിസ്ഥാനത്തില്‍ തയ്യാറാക്കിയ ലിസ്റ്റിലെ പാവപ്പെട്ട കുടുംബങ്ങള്‍ക്കുള്ള ആരോഗ്യ ഇന്‍ഷുറന്‍സ് പദ്ധതിയാണ് ആയുഷ്മാന്‍ ഭാരത്. നിലവിലുള്ള ആര്‍.എസ്.ബി.വൈ, ചിസ് പദ്ധതികള്‍ക്ക് പകരമായാണ് പുതിയ പദ്ധതി വരുന്നത്. സംസ്ഥാനത്ത് നിലവില്‍ ഇന്‍ഷുറന്‍സ് പരിരക്ഷ ലഭിക്കുന്ന ലക്ഷക്കണക്കിന് കുടുംബങ്ങള്‍ പുതിയ പദ്ധതിയില്‍നിന്ന് പുറത്താവുമെന്നതിനാല്‍ ഇതുവരെ ഈ പദ്ധതി നടപ്പാക്കാതിരിക്കുകയായിരുന്നു.

ഷാജി എന്‍.കരുണ്‍
49-ാമത് രാജ്യാന്തര ചലച്ചിത്രമേളയാണിത്. ഷെയിന്‍ നിഗം, എസ്തര്‍ അനില്‍ എന്നിവരാണ് മലയാള ചിത്രമായ 'ഓള്' എന്ന ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്. ആദിത്യ സുഹാസ് ജംബാലെ സംവിധാനം ചെയ്ത മറാത്തി ചിത്രമായ ഖര്‍വാസായിരുന്നു നോണ്‍ ഫീച്ചര്‍ വിഭാഗത്തിലെ ഉദ്ഘാടന ചിത്രം.

ഡോ.കനക് റെലെ
കേരള സാംസ്‌കാരിക വകുപ്പിനു വേണ്ടി ഗുരുഗോപിനാഥ് നടനഗ്രാമമാണ് ദേശീയ നാട്യപുരസ്‌കാരം ഏര്‍പ്പെടുത്തിയത്. ആദ്യമായാണ് ദേശീയതലത്തില്‍ ഈ പുരസ്‌കാരം നല്‍കുന്നത്. മൂന്ന് ലക്ഷം രൂപയാണ് സമ്മാനത്തുക. അവാര്‍ഡിന് അര്‍ഹയായ ഡോ.കനക് റെലെ പ്രശസ്ത മോഹിനിയാട്ടം കലാകാരിയാണ്.