അരവിന്ദ് സക്‌സേന
2018 ജൂണ്‍ 20 മുതല്‍ യൂണിയന്‍ പബ്ലിക് സര്‍വീസ് കമ്മിഷന്റെ ആക്ടിങ് ചെയര്‍മാനായി പ്രവര്‍ത്തിച്ചു വരികയായിരുന്നു അരവിന്ദ് സക്‌സേന. 2020 ഓഗസ്റ്റ് 7 വരെ ചെയര്‍മാന്‍ പദവിയില്‍ അദ്ദേഹത്തിന് കാലാവധിയുണ്ട്.

ബ്യൂണിസ് ഐറിസ്
അര്‍ജന്റീനയിലെ ബ്യൂണിസ് ഐറിസില്‍ നവംബര്‍ 30, ഡിസംബര്‍ 1 തീയതികളിലായിരുന്നു ജി 20 രാജ്യങ്ങളുടെ 13-ാമത് ഉച്ചകോടി. തെക്കെ അമേരിക്കയില്‍ നടക്കുന്ന ആദ്യ ജി 20 ഉച്ചകോടിയായിരുന്നു ഇത്. ഗ്രൂപ്പ് ഓഫ് 20 എന്നതിന്റെ ചുരുക്കമാണ് ജി 20. ഇന്ത്യ ഉള്‍പ്പെടെ 19 രാജ്യങ്ങളും യൂറോപ്യന്‍ യൂണിയനുമാണ് ഇതിലെ അംഗങ്ങള്‍. അടുത്ത ജി 20 ഉച്ചകോടി ജപ്പാനിലെ ഒസാക്കയില്‍ വെച്ച് 2019 ജൂണ്‍ 28,29 തീയതികളില്‍ നടക്കും.

പി.എസ്.എല്‍.വി.സി 43
380 കിലോഗ്രാമാണ് പി.എസ്.എല്‍.വി.സി 43 ന്റെ ഭാരം. ഇതുപയോഗിച്ചാണ് 2018 നവംബര്‍ 29-ന് ഇന്ത്യയുടെ ഭൗമ നിരീക്ഷണ ഉപഗ്രഹമായ ഹൈസിസും 30 വിദേശ ഉപഗ്രഹങ്ങളും വിജയകരമായി വിക്ഷേപിച്ചത്. ശ്രീഹരിക്കോട്ടയിലെ സതീഷ്ധവാന്‍ സ്‌പേസ് സെന്ററില്‍നിന്നായിരുന്നു വിക്ഷേപണം. ഹൈപ്പര്‍ സ്‌പെക്ട്രല്‍ ഇമേജിങ് സാറ്റലൈറ്റ് എന്നാണ് ഹൈസിസിന്റെ മുഴുവന്‍ പേര്.

ചെമ്പന്‍ വിനോദ്
ഈ മ യൗവിലെ അഭിനയത്തിനാണ് ചെമ്പന്‍ വിനോദിന് മികച്ച നടനുള്ള പുരസ്‌കാരം ലഭിച്ചത്. ഈ ചിത്രത്തിന്റെ സംവിധായകനായ ലിജോ ജോസ് പെല്ലിശ്ശേരിക്ക് മികച്ച സംവിധായകനുള്ള രജതമയൂരവും ലഭിച്ചു. ഗോവ അന്താരാഷ്ട്ര രാജ്യാന്തര ചലച്ചിത്രമേളയില്‍ ആദ്യമായാണ് ഒരു മലയാളി നടന് രജത മയൂരം ലഭിക്കുന്നത്. യുക്രൈന്‍-റഷ്യന്‍ ചിത്രമായ ഡോണ്‍ബോസിനാണ് മികച്ച ചിത്രത്തിനുള്ള സുവര്‍ണ മയൂരം. മികച്ച നടിക്കുള്ള രജത മയൂരം വെന്‍ ദി ട്രീസ് ഫോള്‍ എന്ന ചിത്രത്തിലെ അഭിനയത്തിന് അനസ്തസ്യ പുസ്‌തോവിച്ചിന് ലഭിച്ചു.

WMO
1950-ലെ കാലാവസ്ഥാ ഉടമ്പടിപ്രകാരം ഐക്യരാഷ്ട്രസഭയ്ക്കു കീഴില്‍ രൂപവത്കരിച്ച സംഘടനയാണ് വേള്‍ഡ് മെറ്റിയോറോളജിക്കല്‍ ഓര്‍ഗനൈസേഷന്‍(WMO). ആള്‍നാശം, സാമ്പത്തികനഷ്ടം എന്നിവ കണക്കിലെടുത്താണ് കേരളത്തിലുണ്ടായ പ്രളയത്തെ ഏറ്റവും വലിയ ദുരന്തമായി ഈ സംഘടന പ്രഖ്യാപിച്ചത്. ജപ്പാന്‍, കൊറിയ, നൈജീരിയ എന്നിവിടങ്ങളിലുണ്ടായ പ്രളയമാണ് കേരളത്തിലെ ദുരന്തത്തിന് തൊട്ടു പിന്നിലുള്ളത്.

ചൊവ്വ
2018 മേയ് 5-നാണ് നാസ ഇന്‍സൈറ്റ് പേടകം വിക്ഷേപിച്ചത്. നവംബര്‍ 27-ന് ചൊവ്വയുടെ പ്രതലത്തിലിറങ്ങി. 54.8 കോടി കിലോമീറ്റര്‍ ദൂരമാണ് ഇതിനിടയില്‍ ഇന്‍സൈറ്റ് പിന്നിട്ടത്. 360 കിലോഗ്രാമാണ് ഇന്‍സൈറ്റ് പേടകത്തിന്റെ ഭാരം.

നോര്‍വെ
ലണ്ടനില്‍ നടന്ന ലോക ചാമ്പ്യന്‍ഷിപ്പിന്റെ ഫൈനലില്‍ ഫാബിയാനോ കരുവാനയെ ടൈബ്രേക്കറില്‍ പരാജയപ്പെടുത്തിയാണ് ഒന്നാം റാങ്കുകാരനായ കാള്‍സണ്‍ കിരീടം നിലനിര്‍ത്തിയത്. ഇത് തുടര്‍ച്ചയായി നാലാം തവണയാണ് കാള്‍സണ്‍ ലോക ചാമ്പ്യനാവുന്നത്. 2013-ല്‍ വിശ്വനാഥ് ആനന്ദിനെ പരാജയപ്പെടുത്തിയാണ് കാള്‍സണ്‍ ആദ്യ ലോക കിരീടം നേടിയത്.

ഏഷ്യന്‍ ഓഫ് ദ ഇയര്‍
ആലുവ സ്വദേശിയും പൂര്‍ണ ഗര്‍ഭിണിയുമായ സാജിതയെ മഹാപ്രളയത്തിനിടയില്‍ കെട്ടിടത്തിനു മുകളില്‍നിന്ന് ഹെലിക്കോപ്റ്ററില്‍ സാഹസികമായി രക്ഷപ്പെടുത്തിയതുള്‍പ്പെടെയുള്ള സാഹസിക രക്ഷാപ്രവര്‍ത്തനത്തിനാണ് നാവികസേനാ രക്ഷാസംഘത്തലവനും മലയാളിയുമായ കമാന്‍ഡര്‍ വിജയ് വര്‍മയ്ക്കും ക്യാപ്റ്റന്‍ പി. രാജ്കുമാറിനും ഏഷ്യന്‍ ഓഫ് ദ ഇയര്‍ പുരസ്‌കാരം ലഭിച്ചത്. ദ സ്‌ട്രെയ്റ്റ്‌സ് ടൈംസ് ഡെയ്‌ലിയാണ് എല്ലാ വര്‍ഷവും ഈ പുരസ്‌കാരം നല്‍കുന്നത്. ഇത്തവണ ദുരന്ത നിവാരണത്തിനാണ് പുരസ്‌കാരം നല്‍കിയത്. കേരളത്തിലെ പ്രളയ രക്ഷാ പ്രവര്‍ത്തനമുള്‍പ്പെടെ അഞ്ച് ദുരന്ത നിവാരണ പ്രവര്‍ത്തനങ്ങള്‍ക്കാണ് ഇത്തവണ പുരസ്‌കാരം നല്‍കിയത്.

മെക്‌സിക്കോ
70 വര്‍ഷത്തിനുശേഷം ആദ്യമായാണ് മെക്‌സിക്കോയില്‍ ഒരു ഇടത് പ്രസിഡന്റ് അധികാരത്തിലെത്തുന്നത്. കഴിഞ്ഞ ജൂലായില്‍ നടന്ന തിരഞ്ഞെടുപ്പില്‍ ഒബ്രദോര്‍ 53 ശതമാനം വോട്ടുനേടിയിരുന്നു. തിരഞ്ഞെടുപ്പ് നടന്ന് അഞ്ച് മാസത്തിനു ശേഷമാണ് പ്രസിഡന്റ് ചുമതലയേറ്റത്.

വ്യോമസേന
ഇന്ത്യന്‍ വ്യോമസേനയുടെയും യു.എസ്. വ്യോമസേനയുടെയും നാലാമത് സംയുക്ത പരിശീലനമാണ് Ex Cope India-18. ഡിസംബര്‍ 3 മുതല്‍ 14 വരെയാണ് പരിശീലനം. പശ്ചിമബംഗാളിലെ രണ്ട് വ്യോമസേന താവളങ്ങളിലായാണ്(Kalaikunda and Panagarh) സംയുക്ത വ്യോമ പരിശീലനം നടക്കുന്നത്. 2004-ലാണ് ഇന്ത്യയും അമേരിക്കയും സംയുക്ത വ്യോമസേന പരിശീലനങ്ങള്‍ക്ക് തുടക്കം കുറിച്ചത്.